കുമ്പള ടൂറിസം പ്രൊജക്ടില് പൂര്ത്തീകരിച്ച ആരിക്കാടി കയാക്കിംഗ് കേന്ദം ജില്ലാ കളക്ടര് അര്ജുന് പാണ്ഡ്യന് സന്ദര്ശിച്ച് കയാക്കിംഗില് പങ്കെടുത്തു .കളക്ടര് സ്വയം സ്റ്റാന്റിംങ് കയാക്കിംങ്ങും , സിറ്റിങ് കയാക്കിംങ്ങും നടത്തി പ്രചോദനമായി.
ജില്ലയിലെ സ്പോര്ട്സ് മേഖലയ്ക്കും വിനോദ സഞ്ചാര മേഖലയ്ക്കും പ്രത്യേക പരിഗണന നല്കി ജില്ലാ കളക്ടര് നടത്തിയ വികസനപ്രവര്ത്തനങ്ങള് വിവിധ തലങ്ങളില് പുരോഗമിക്കുകയാണ് അതിന്റെ ഭാഗമായാണ് കുമ്പള ടൂറിസം പദ്ധതിയുടെ അവശേഷിക്കുന്ന പ്രവര്ത്തികള് നടന്നു വരുന്നത്
ജില്ലാ കളക്ടര് തുടര്ച്ചയായി അവലോകന യോഗങ്ങള് വിളിച്ചുചേര്ത്താണ് കുമ്പള ടൂറിസം പദ്ധതി പ്രവര്ത്തനം ഊര്ജിതമാക്കിയത്. കഴിഞ്ഞ ഫെബ്രുവരിയില് പദ്ധതി എ കെ എം അഷറഫ് എം എല് എ ഉദ്ഘാടനം ചെയ്തിരുന്ന വികസന പ്രവര്ത്തനങ്ങള് പൂര്ത്തിയാക്കുന്നതിന് ടൂറിസം വകുപ്പ് ഉദ്യോഗസ്ഥരുമായി ജില്ലാ കളക്ടര് യോഗങ്ങള് വിളിച്ചു ചേര്ത്തിരുന്നു കാസര്കോട് ജില്ലയില് പ്രധാന റൂറല് ടൂറിസം കേന്ദ്രമായി വികസി പ്പിക്കുന്നതിന് ലക്ഷ്യമിട്ട് കയാക്കിങ്ങിന് പുറമേ തുടര്ന്നുള്ള വികസന പ്രവര്ത്തനങ്ങളും നടന്നുവരികയാണെന്ന് ജില്ലാ കളക്ടര് പറഞ്ഞു ചില്ഡ്രന്സ് പാര്ക്ക് നിര്മ്മാണം നടന്നു വരികയാണ്
കുമ്പള റൂറല് ടൂറിസം പദ്ധതിയില് ഉള്പ്പെടുത്തി നിര്മ്മിച്ച കിദൂര് ബയോഡൈവേഴ്സിറ്റി സെന്റര് ആരിക്കാടി വാക്ക് വ്വേ എന്നീ പദ്ധതിയ്ക്ക് 2.75 കോടി രൂപയുടെ ഭരണാനുമതി കാസറഗോഡ് വികസന പാക്കേജില് ലഭിച്ചിരുന്നു. കിദൂര് ബയോ ഡൈവേഴ്സിറ്റി സെന്ററില് പക്ഷിനിരീക്ഷണത്തിനുള്ള രണ്ട് ദിവസത്തെ ക്യാമ്പ് സംഘടിപ്പിച്ചാണ് യൂണിറ്റിന്റെ പ്രവര്ത്തനം ആരംഭിച്ചത്
ആരിക്കാടി വാക്ക് വ്വേയില് 60 ലക്ഷം രൂപയുടെ നിര്മ്മാണ പ്രവൃത്തികളാണ് പൂര്ത്തീകരിച്ചിട്ടുള്ളത്. രണ്ട് കിയോസ്ക്കുകള്, സിറ്റിംങ് ബെഞ്ച് വാക്ക് വ്വേ എന്നിവ ഒരുക്കിയിട്ടുണ്ട്.
