സംസ്ഥാനത്തെ വൈദ്യുതി പ്രതിസന്ധി പരിഹരിക്കാന് മുഖ്യമന്ത്രി വിഡി സതീശന് ഇന്ന് ഉന്നതതല യോഗം വിളിച്ചു. ഒക്ടോബര് മുതലുള്ള നിയന്ത്രണങ്ങള് ഒഴിവാക്കാനും ദീര്ഘകാല കരാറുകള് ഏര്പ്പെടുത്താനും യോഗത്തില് ചര്ച്ച ചെയ്യും
തിരുവനന്തപുരം: സംസ്ഥാനത്തെ വൈദ്യുതി പ്രതിസന്ധിക്ക് പരിഹാരം കാണാന് മുഖ്യമന്ത്രി വിളിച്ച നിര്ണായകമായ വിശാല യോഗം ഇന്ന് നടക്കും. ഒക്ടോബര് മാസം മുതല് പ്രതിസന്ധിയും നിയന്ത്രണവും ഒഴിവാക്കാനാനുള്ള മാര്ഗങ്ങളെക്കുറിച്ചാണ് യോഗം പ്രധാനമായും ചര്ച്ച ചെയ്യുക. ദീര്ഘകാല കരാറുകള് വേണമോയെന്നടക്കം ആലോചിക്കും. അതേ സമയം ഈ മാസത്തെ പ്രതിസന്ധി കടക്കാന് സ്വകാര്യ കമ്പനിയില് നിന്ന് 200 മെഗാവാട്ട് വാങ്ങാന് യൂണിറ്റിന് 11 രൂപയ്ക്ക് വാങ്ങാന് സര്ക്കാര് അനുമതി നല്കിയിരുന്നു. പ്രത്യേക സാഹചര്യത്തിലാണ് കമ്മീഷന്റെ അനുമതിക്ക് മുമ്പേ വൈദ്യുതി വാങ്ങാനുള്ള ശ്രമം.
മുന്കൂട്ടി കണ്ട് ആസൂത്രണം നടന്നില്ല
അതേസമയം സംസ്ഥാനത്തെ വൈദ്യുതി പ്രതിസന്ധി മുന്കൂട്ടി കണ്ടുള്ള ആസൂത്രണം നടന്നില്ലെന്ന് ഇന്നലെ വാര്ത്താ സമ്മേളനത്തില് മുഖ്യമന്ത്രി വ്യക്തമാക്കിയിരുന്നു. ഒരാഴ്ചയ്ക്കുള്ളില് കാര്യങ്ങള് കണ്ട്രോള് ആകുമെന്നാണ് മുഖ്യമന്ത്രി കഴിഞ്ഞയാഴ്ച പറഞ്ഞെങ്കിലും സംസ്ഥാനത്ത് വൈദ്യുതി നിയന്ത്രണം തുടരുകയാണ്. സര്ക്കാരിന് ഷോക്കായ വൈദ്യുതി പ്രതിസന്ധിയില് മുന് സര്ക്കാരിനെ പഴിക്കുന്നതാണ് മുഖ്യമന്ത്രി ഇന്നലെയും അവര്ത്തിച്ചു. യു ഡി എഫ് കാലത്തെ ദീര്ഘ കരാര് നഷ്ടമുണ്ടാക്കിയെന്ന വിജിലന്സ് കണ്ടെത്തല് പുറത്തുവന്നെങ്കിലും 465 മെഗാവാട്ടിന്റെ കരാര് ഇടതു സര്ക്കാരിന്റെ കാലത്ത് റദ്ദാക്കിയത് തെറ്റായിപ്പോയെന്ന് വിമര്ശനം തുടരുകയാണ്. ഇതിനൊപ്പമാണ് സെപ്തംബറില് ഉയര്ന്ന ഉപയോഗം മുന്കൂട്ടി ആസൂത്രണം ചെയ്തില്ലെന്ന് മുഖ്യമന്ത്രി സമ്മതിച്ചതും. ഇപ്പോള് ഇന്ത്യയില് എല്ലായിടത്തും പവര് കട്ടുണ്ടെന്നും പുറത്ത് നിന്ന് വൈദ്യുതി കിട്ടാനില്ലെന്നും സതീശന് വ്യക്തമാക്കിയിട്ടുണ്ട്.
