പ്ലസ്ടു വിദ്യാര്‍ഥിനിയെ കിടപ്പുമുറിയില്‍ മരിച്ച നിലയില്‍ കണ്ടെത്തി
വൊര്‍കൂഡ്ലു കണിയാന്‍മൂലയിലെ ധനുഷയാണ് മരിച്ചത്
കിടപ്പുമുറിയിലെ ഫാനില്‍ ഷാളില്‍ തൂങ്ങിയ നിലയിലായിരുന്നു പെണ്‍കുട്ടി
ബദിയഡുക്ക: നെക്രാജെയില്‍ പ്ലസ്ടു വിദ്യാര്‍ഥിനിയെ കിടപ്പുമുറിയില്‍ മരിച്ച നിലയില്‍ കണ്ടെത്തി. വൊര്‍കൂഡ്ലു കണിയാന്‍മൂലയിലെ ജയരാമന്‍-ബിന്ദു ദമ്പതികളുടെ മകള്‍ ധനുഷ (17) ആണ് മരിച്ചത്.
ചെര്‍ക്കളയിലെ ആശുപത്രിയില്‍ എത്തിച്ചു
2026 ഒക്ടോബര്‍ 13 ചൊവ്വാഴ്ച വൈകുന്നേരം ഏഴുമണിയോടെയാണ് ധനുഷയെ കിടപ്പുമുറിയിലെ ഫാനില്‍ ഷാളില്‍ തൂങ്ങിയ നിലയില്‍ കണ്ടെത്തിയത്. വീട്ടുകാര്‍ ഉടന്‍ തന്നെ പെണ്‍കുട്ടിയെ താഴെയിറക്കി ചെര്‍ക്കളയിലെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
വിവരമറിഞ്ഞ് ബദിയഡുക്ക പോലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു. മരണത്തിലേക്ക് നയിച്ച സാഹചര്യം സംബന്ധിച്ച് പോലീസ് സമഗ്രമായ അന്വേഷണം ആരംഭിച്ചിട്ടുണ്ട്.
അസ്വാഭാവിക മരണത്തിന് കേസ്
സംഭവത്തില്‍ ഭാരതീയ നാഗരിക് സുരക്ഷാ സംഹിത 194 പ്രകാരം ബദിയഡുക്ക പോലീസ് അസ്വാഭാവിക മരണത്തിന് കേസ് രജിസ്റ്റര്‍ ചെയ്തു. ബന്ധുവായ എം രതീഷ് നല്‍കിയ പരാതിയുടെ അടിസ്ഥാനത്തിലാണ് കേസ്.
Related Posts
രുചിവൈവിധ്യങ്ങളുടെ മേളയൊരുക്കി പാടിക്കീല്‍ സ്‌കൂളിലെ കുരുന്നുകള്‍
KCN CHANNEL
കാസറഗോഡ് ജില്ലാ ക്രിക്കറ്റ് ലീഗ്: ആസ്‌ക് ആലംപാടി (ബി) ടീമിന്റെ ജേഴ്‌സി പ്രകാശനം ചെയ്തു
KCN CHANNEL
