പാടിക്കീല്‍ സ്‌കൂളില്‍ വിഭവസമൃദ്ധമായ ഉച്ചഭക്ഷണത്തോടെ ലോക ഭക്ഷ്യദിനാചരണംസംഘടിപ്പിച്ചു

ചെറുവത്തൂര്‍: ഭക്ഷണത്തിന്റെ പ്രാധാന്യവും ഭക്ഷണം പാഴാക്കാതിരിക്കേണ്ടതിന്റെ ആവശ്യകതയും കുട്ടികളില്‍ വളര്‍ത്തുന്നതിനായി പാടിക്കീല്‍ ഗവ. യു.പി. സ്‌കൂളില്‍ ലോക ഭക്ഷ്യദിനം ആചരിച്ചു. ദിനാചരണത്തിന്റെ ഭാഗമായി കുട്ടികള്‍ക്ക് വിഭവസമൃദ്ധമായ ഉച്ചഭക്ഷണം നല്‍കി ഭക്ഷണത്തിന്റെ പ്രാധാന്യം ബോധ്യപ്പെടുത്തി.
വിശപ്പും പോഷകാഹാരക്കുറവും ഇല്ലാത്ത ലോകം സൃഷ്ടിക്കുക, എല്ലാവര്‍ക്കും സുരക്ഷിതവും പോഷകസമൃദ്ധവുമായ ഭക്ഷണം ഉറപ്പാക്കുക, ഭക്ഷണം പാഴാക്കുന്നത് തടയുക, സുസ്ഥിര കൃഷിയെ പ്രോത്സാഹിപ്പിക്കുക തുടങ്ങിയ സന്ദേശങ്ങള്‍ കുട്ടികളിലെത്തിക്കുക എന്ന ലക്ഷ്യത്തോടെയായിരുന്നു പരിപാടി.
ചടങ്ങില്‍ സീനിയര്‍ അസിസ്റ്റന്റ് കെ. ശ്രീകല അധ്യക്ഷത വഹിച്ചു. ഹെഡ്മാസ്റ്റര്‍ കെ. സുഗതന്‍ പരിപാടി ഉദ്ഘാടനം ചെയ്തു. എം. ശൈലജ, പി.ടി. ഷൈനി, കെ.സി. ഷൈമ, നടി ദീപ, കെ.ആര്‍. അമിത, പി.എം.വി. റെജൂല, ടി. ലത, ലക്ഷ്മി ചന്ദ്ര, പി. രാഗേഷ് എന്നിവര്‍ സംബന്ധിച്ചു.
കെ. നാരായണന്‍ സ്വാഗതവും പി. രാജഗോപാലന്‍ നന്ദിയും പറഞ്ഞു.