44
ഗേറ്റ് പ്രവേശന പരീക്ഷയില്‍ ഉന്നത വിജയം നേടി സൂറത്ത് കല്‍ എന്‍ ഐ ടി യില്‍ ഉപരിപഠത്തിന് പ്രവേശനം നേടിയ കെ. ഫൈസലിനെ തനിമ കലാ സാഹിത്യ വേദി അനുമോദിച്ചു.
കാസര്‍കോട് ഡയലോഗ് സെന്ററില്‍ നടന്ന ചടങ്ങില്‍ കാസര്‍കോട് സാഹിത്യ വേദി പ്രസിഡണ്ട് എ.എസ്. മുഹമ്മദ് കുഞ്ഞി തനിമയുടെ ഉപഹാരം ഫൈസലിന് കൈമാറി.
തനിമ പ്രസിഡണ്ട് അബൂ ത്വാഇ അദ്ധ്യക്ഷത വഹിച്ച ചടങ്ങില്‍ കേരള കേന്ദ്ര സര്‍വ്വകലാശാല അദ്ധ്യാപകന്‍ ആര്‍. ചന്ദ്ര ബോസ് , എം.വി. സന്തോഷ് കുമാര്‍, മുംതാസ് ടീച്ചര്‍, അഷ്‌റഫ് അലി ചേരങ്കൈ, റഹ്‌മാന്‍ മുട്ടത്തൊടി തുടങ്ങിയവര്‍സംബന്ധിച്ചു.
