37
പെരിയ: കേരള കേന്ദ്ര സര്‍വകലാശാലയിലെ കമ്പ്യൂട്ടര്‍ സയന്‍സ് വിഭാഗത്തിന്റെ ആഭിമുഖ്യത്തില്‍ ഐഇഇഇ സ്റ്റുഡന്റ്സ് ബ്രാഞ്ചുമായി സഹകരിച്ച് കമ്പ്യൂട്ടറിന്റെ നൂതന സാധ്യതകള്‍ ഭിന്നശേഷി സമൂഹത്തിന് പ്രയോജനപ്പെടുത്തുന്നതുമായി ബന്ധപ്പെട്ട് പെരിയ മഹാത്മാ ബഡ്സ് സ്‌കൂളില്‍ പ്രൊഫഷണല്‍ വികസന പരിപാടിയും പരിശീലനവും സംഘടിപ്പിച്ചു. വൈസ് ചാന്‍സലര്‍ പ്രൊഫ. വിന്‍സെന്റ് മാത്യു കുട്ടികള്‍ക്ക് പഠനസാമഗ്രികള്‍ നല്‍കി ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് സി.കെ. അരവിന്ദാക്ഷന്‍ അധ്യക്ഷത വഹിച്ചു. കമ്പ്യൂട്ടര്‍ സയന്‍സ് വിഭാഗം അധ്യക്ഷ പ്രൊഫ. ജെ.എസ്. ജയസുധ, ഐഇഇഇ സ്റ്റുഡന്റ്സ് ബ്രാഞ്ച് കൗണ്‍സിലര്‍ പ്രൊഫ. ആര്‍. രാജേഷ്, ഡോ. ടി.എം. തസ്ലീമ, ഡോ. വി. കുമാര്‍, ഡോ. മനോഹര്‍ നായിക്, ഡോ. വി. ആദിത്യ, ദീപാ പേരൂര്‍ തുടങ്ങിയവര്‍ സംസാരിച്ചു.
