ആലുവ: കെ.എസ്. ആര്.ടി.സി ഗ്യാരേജിന് സമീപമുള്ള പെട്രോള് പമ്പില് നിന്ന് ആറര ലക്ഷം രൂപ ലോക്കറോടെ കവര്ന്ന പ്രതികളെ ആലുവ പൊലീസ് മണിക്കൂറുകള്ക്കുള്ളില് പിടികൂടി. ആലുവയിലും പരിസരത്തുമുള്ള നാലു യുവാക്കളാണ് പിടിയിലായത്. ആലുവ ദേശം കാലടി റോഡ് പുറമ്പോക്കില് നിന്ന് ലോക്കറടക്കം മുഴുവന് തുകയും കണ്ടെടുത്തു. ആലുവ കുന്നത്തേരി സ്വദേശികളായ മിഷാല്, എബിന്, മുഹമ്മദ് റയിസ്, സഹല് എന്നിവരാണ് പിടിയിലായവര്. പ്രതികളെല്ലാം 20 വയസില് താഴെ പ്രായമുള്ളവരാണ്. പമ്പില് നിന്നുള്ള സി.സി.ടി.വി ദൃശ്യങ്ങളില് നിന്നാണ് കവര്ച്ചക്കാരെ കുറിച്ച് പൊലീസിന് സൂചന ലഭിച്ചത്. പമ്പിലെ കളക്ഷന് പണം ഓഫീസിനകത്തെ ലോക്കറില് സൂക്ഷിക്കുന്ന വിവരം സമീപവാസികളായ യുവാക്കള്ക്കറിയാമായിരുന്നു. ഒന്നാം പ്രതി മിഷാലാണ് സംഭവം അസൂത്രണം ചെയതതെന്ന് പൊലീസ് അറിയിച്ചു. ഡിവൈ.എസ്.പി പ്രഫുല ചന്ദ്രന്റ നേതൃത്വത്തില് സി.ഐ വിശാല് ജോണ്സന്, പ്രിന്സിപ്പല് എസ് ഐ ഫൈസല് സിവില് പോലീസ് ഉദ്യേഗസ്ഥന്മാരായ ഇബ്രാഹിം കുട്ടി, സിജന്, നാദിര്ഷ, ബിജു, ഡിക്സന്, സജീവന് എന്നിവരാണ് അന്വേഷണ സംഘത്തിലുണ്ടായിരുന്നത്.
more recommended stories
-
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച് വെബ് കാസ്റ്റിംഗ് കണ്ട്രോള് റൂം
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച്.
-
ഇ. പി ജയരാജന്-ജാവദേക്കര് കൂടികാഴ്ച: പ്രതികരിക്കാതെ യെച്ചൂരി, കേരളത്തിലെ നേതാക്കള് സംസാരിച്ചെന്ന് വിശദീകരണം
കേരളത്തിലെ പാര്ട്ടി നേതാക്കള് സംസാരിച്ചിട്ടുണ്ടെന്ന് യെച്ചുരി.
-
ഡല്ഹി കാപിറ്റല്സിനെതിരെ നിര്ണായക മത്സരത്തില് മുംബൈ ഇന്ത്യന്സിന് ടോസ്
ദില്ലി: ഐപിഎല്ലില് ഡല്ഹി കാപിറ്റല്സിനെതിരായ മത്സരത്തില്.
-
‘ആ ഉറപ്പ് പാലിച്ചു’; എസ്എംഎ രോഗികളായ 12 വയസ് വരെയുള്ള കുട്ടികള്ക്ക് സൗജന്യ മരുന്ന് വിതരണം, മാതൃകയായി കേരളം
തിരുവനന്തപുരം: അപൂര്വ രോഗമായ സ്പൈനല് മസ്കുലര് അട്രോഫി.
Leave a Comment