കോട്ടയം: പ്രണയ വിവാഹത്തെ തുടര്ന്ന് വധുവിന്റെ വീട്ടുകാര് തട്ടിക്കൊണ്ടു പോയ നവവരന് കെവിന് മരിച്ച നിലയില് കണ്ടെത്തിയ സംഭവത്തില് രണ്ട് പ്രതികള് പിടിയില്. വാഹനുവായി പോയ നിയാസ്, നിഷാല് എന്നിവരാണ് പിടിയിലായത്. കെവിന്റെ മൃതദേഹം തെന്മലയ്ക്ക് 20 കിലോമീറ്റര് അകലെ ചാലിയക്കര തോട്ടില് ഇന്നു പുലര്ച്ചെയാണ് കണ്ടെത്തിയത്.
കേസില് എസ്.ഐയേയും എഎസ്ഐയേയും സസ്പെന്റ് ചെയ്തു. ഗാന്ധി നഗര് എസ്.ഐ എം.എസ്. ഷിബുവിനെയാണ് സസ്പെന്റ് ചെയ്തത്. സംഭവത്തില് ഉടന് റിപ്പോര്ട്ട് നല്കാന് ഐജിക്ക് ഡിജിപി ലോക്നാഥ് ബഹ്റ ഉത്തരവിട്ടു. കെവിന്റെ ഭാര്യ നീനിവുന്റെ പരാതി അവഗണിച്ചതിനാണ് ഇരുവേയും സസ്പെന്റ് ചെയ്തത്.
പുനലൂരിലെ ചാലിയേക്കരയില് നിന്നാണ് കെവിന്റെ മൃതദേഹം കണ്ടെത്തിയത്. കെവിന്റെ ശരീരത്തില് മുറിവേറ്റ പാടുകള് കണ്ടെത്തി. കൊലപാതകമെന്ന് സംശയമുണ്ടെന്ന് പോലീസ്. പ്രണയവിവാഹം കഴിച്ച വരന്, നട്ടാശേരി എസ്എച്ച് മൗണ്ട് കെവിന് പി.ജോസഫിനെ ശനിയാഴ്ച പുലര്ച്ചെയാണ് പത്തംഗ സായുധസംഘം വീടാക്രമിച്ച് തട്ടിക്കൊണ്ടുപോയത്.
നീനുവും കെവിനും തമ്മില് മൂന്നു വര്ഷമായി പ്രണയത്തിലായിരുന്നു. മറ്റൊരു വിവാഹം നടത്താന് ബന്ധുക്കള് ഉറപ്പിച്ചതോടെ നീനു കെവിനൊപ്പം ഇറങ്ങിപ്പോന്നു. പെണ്കുട്ടിയുടെ വീട്ടുകാര് ഗാന്ധിനഗര് പൊലീസ് സ്റ്റേഷനില് എത്തി ഇവരുമായി സംസാരിച്ചിരുന്നു. പൊലീസിന്റെ നിര്ദേശപ്രകാരം നീനുവിനെ ഹാജരാക്കിയെങ്കിലും കെവിനൊപ്പം ജീവിക്കാനാണു താല്പര്യമെന്ന് അറിയിച്ചു. ഇതിനിടെ നീനുവിനെ അമ്മഞ്ചേരിയിലുള്ള ലേഡീസ് ഹോസ്റ്റലിലേക്കു കെവിന് രഹസ്യമായി മാറ്റി. അമ്മാവന്റെ മകനായ അനീഷിനൊപ്പം മാന്നാനത്തെ വീട്ടിലാണു കെവിന് കഴിഞ്ഞിരുന്നത്.
ശനിയാഴ്ച പുലര്ച്ചെ രണ്ടുമണിയോടെ മൂന്നു കാറുകളിലായി 10 പേര് ആക്രമിക്കുകയായിരുന്നുവെന്ന് അനീഷ് പറയുന്നു. വീട്ടിലെ സാധനങ്ങളെല്ലാം അടിച്ചു തകര്ത്തശേഷം കാറില് കയറ്റി കൊണ്ടുപോയി. കാറിലും മര്ദനം തുടര്ന്നു. അനീഷും കെവിനും വെവ്വേറെ കാറുകളിലായിരുന്നു. അനീഷിനെ പത്തനാപുരത്തുനിന്നു തിരികെ സംക്രാന്തിയിലെത്തി റോഡില് ഇറക്കിവിടുകയായിരുന്നു.
more recommended stories
-
പൊലീസ് നായയെ പറ്റിക്കാന് വീട്ടിലെ നായക്കൊപ്പം നിന്നു, ഒടുവില് പാളി; അമ്മയെ കൊന്ന ജിജോയെ കുടുക്കിയത് ആ മുറിവ്!
കൊച്ചി: മൂവാറ്റുപുഴ ആയവനയില് മകന് അമ്മയെ.
-
ഹരിയാനയില് പ്രതിസന്ധിയില്ലെന്ന് ബിജെപി, 47 എംഎല്എമാരുടെ പിന്തുണയുണ്ടെന്ന് അവകാശവാദം
ദില്ലി : ഹരിയാന നിയമസഭയില് ഭൂരിപക്ഷം.
-
റഷ്യയിലേക്കുള്ള മനുഷ്യക്കടത്ത്; രണ്ടു പേര് അറസ്റ്റില്, സിബിഐ സംഘം പിടികൂടിയത് മുഖ്യഇടനിലക്കാരെ
തിരുവനന്തപുരം: തിരുവനന്തപുരത്ത് നിന്ന് റഷ്യയിലേക്കുള്ള മനുഷ്യക്കടത്തില്.
-
ജനങ്ങളെ കബളിപ്പിക്കുന്ന പരസ്യങ്ങളില് അഭിനയിക്കുന്ന താരങ്ങള്ക്കും ഉത്തരവാദിത്വമുണ്ട്; സുപ്രീം കോടതി
ദില്ലി:ജനങ്ങളെ കബളിപ്പിക്കുന്ന പരസ്യങ്ങളില് അഭിനയിക്കുന്ന സിനിമാ, ക്രിക്കറ്റ്.
Leave a Comment