തിരുവനന്തപുരം: മലപ്പുറം, കോഴിക്കോട്, പാലക്കാട്, കണ്ണൂര്, വയനാട്, കാസര്കോട് ജില്ലകളിലെ എല്ലാ സര്ക്കാര്, എയ്ഡഡ് ഹയര് സെക്കന്ഡറി സ്കൂളുകളിലും പ്ലസ് വണ്ണിന് 10 ശതമാനം സീറ്റുകൂടി വര്ദ്ധിപ്പിക്കാന് മന്ത്രിസഭായോഗം തീരുമാനിച്ചു. സംസ്ഥാനത്തെ എല്ലാ സര്ക്കാര്, എയ്ഡഡ് ഹയര് സെക്കന്ഡറി സ്കൂളുകളിലും ഈ അദ്ധ്യയനവര്ഷം 20 ശതമാനം സീറ്റ് വര്ദ്ധിപ്പിച്ചിട്ടുണ്ട്. ഇതിന് പുറമെയാണ് ആറ് ജില്ലകളില് 10 ശതമാനം സീറ്റുകൂടി വര്ദ്ധിപ്പിക്കുന്നത്.
കെവിന് ജോസഫിന്റെ കുടുംബത്തിന് 10 ലക്ഷം
ദുരൂഹമായി മരണപ്പെട്ട കോട്ടയം നട്ടശ്ശേരി എസ്.എച്ച്. മൗണ്ട് പ്ലാത്തറ വീട്ടില് കെവിന് പി. ജോസഫിന്റെ കുടുംബത്തിന് സ്ഥലം വാങ്ങുന്നതിന് ആറ് ലക്ഷം രൂപയും വീട് വയ്ക്കുന്നതിന് നാല് ലക്ഷം രൂപയും ഉള്പ്പെടെ പത്ത് ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയില് നിന്ന് അനുവദിക്കാന് തീരുമാനിച്ചു. കെവിന് പി. ജോസഫിന്റെ ഭാര്യ നീനു ചാക്കോയ്ക്ക് തുടര് പഠനത്തിനാവശ്യമായ ധനസഹായവും അനുവദിക്കും. ഇക്കാര്യത്തില് തുടര് നടപടി സ്വീകരിക്കുന്നതിന് കോട്ടയം ജില്ലാ കലക്ടറെ ചുമതലപ്പെടുത്തി.
മരട് അപകടം: മരിച്ചവരുടെ കുടുംബങ്ങള്ക്ക് സഹായം
എറണാകുളം മരട് കാട്ടിത്തല സ്കൂള് വാന് അപകടത്തില് മരിച്ച വിദ്യാലക്ഷ്മി (ആയത്ത്പറമ്ബില് വീട്ടില് സനലിന്റെ മകള്), ആദിത്യന് എസ് നായര് (മരട് ശ്രീജിത്തിന്റെ മകന്) എന്നീ കുട്ടികളുടെ കുടുംബങ്ങള്ക്ക് രണ്ട് ലക്ഷം രൂപ വീതം മുഖ്യമന്ത്രിയുടെ ദുരിതാശ്വാസ നിധിയില് നിന്ന് അനുവദിക്കാന് തീരുമാനിച്ചു. ഇതേ അപകടത്തില് മരിച്ച കൊച്ചാടിത്തറ ലത ഉണ്ണിയുടെ കുടുംബത്തിന് അഞ്ച് ലക്ഷം രൂപ അനുവദിക്കും. തുക ലത ഉണ്ണിയുടെ കുട്ടികളുടെ പേരില് നിക്ഷേപിക്കും. കണ്ണൂര് ജില്ലയില് പയ്യന്നൂരും മലപ്പുറം ജില്ലയില് താനൂരും പുതിയ പോലീസ് കണ്ട്രോള് റൂമുകള് ആരംഭിക്കാന് തീരുമാനിച്ചു. ഇതിന്വേണ്ടി 40 വീതം തസ്തികകള് സൃഷ്ടിക്കും.
ഇടുക്കി ജില്ലയില് തൊടുപുഴ താലൂക്കില് ഇടുക്കി വില്ലേജില് സര്ക്കാര് മെഡിക്കല് കോളേജ് തുടങ്ങുന്നതിന് റവന്യൂ വകുപ്പിന്റെ 40 ഏക്കര് ഭൂമി ആരോഗ്യ കുടുംബക്ഷേമ വകുപ്പിന് നല്കാന് തീരുമാനിച്ചു. ഭൂമിയുടെ ഉടമസ്ഥാവകാശം റവന്യൂ വകുപ്പില് നിലനിര്ത്തിയാണ് ഭൂമി നല്കുക. ഓഖി ചുഴലിക്കാറ്റില് വീട് പൂര്ണമായും നഷ്ടപ്പെട്ട 74 മത്സ്യത്തൊഴിലാളി കുടുംബങ്ങള്ക്ക് വീട് പുനര്നിര്മ്മിക്കുന്നതുവരെ വീട്ടുവാടകയായി മാസം 3000 രൂപ പന്ത്രണ്ട് മാസത്തേക്ക് അനുവദിക്കും. തിരുവനന്തപുരം, കൊല്ലം, ആലപ്പുഴ, എറണാകുളം, തൃശ്ശൂര്, മലപ്പുറം, കാസര്കോട് എന്നീ ജില്ലകളില് നിന്നുള്ളവരാണ് വീട് നഷ്ടപ്പെട്ട കുടുംബങ്ങള്. മൊത്തം 26.64 ലക്ഷം രൂപ ഇതിനവേണ്ടി മുഖ്യമന്ത്രിയുടെ ദുരിതാശ്വാസ നിധിയില് നിന്ന് അനുവദിക്കും.
കേരള സബോര്ഡിനേറ്റ് ജുഡീയറിയിലെ ജുഡീഷ്യല് ഓഫീസര്മാര്ക്ക് അവരുടെ അടിസ്ഥാന ശമ്ബളത്തിന്റെ 30 ശതമാനവും വിരമിച്ച ഓഫീസര്മാര്ക്ക് പെന്ഷന്റെ 30 ശതമാനവും ഇടക്കാല ആശ്വാസമായി അനുവദിക്കും. സുപ്രീം കോടതി വിധിയുടെ അടിസ്ഥാനത്തിലാണ് ഈ തീരുമാനം. 2016 ജനുവരി ഒന്നുമുതല് ഇതിന് പ്രാബല്യമുണ്ടാകും. പാലക്കാട്ടെ ഐ.ഐ.ടി.ക്കു വേണ്ടി പുതശ്ശേരി വെസ്റ്റ് വില്ലേജില് 8.8 ഹെക്ടര് റവന്യൂ ഭൂമി കൈമാറാന് തീരുമാനിച്ചു. അഞ്ച് ജവഹര് ബാലഭവനുകളിലെ സര്ക്കാര് അംഗീകൃത ജീവനക്കാര്ക്ക് ശമ്ബളപരിഷ്കരണം അനുവദിക്കാന് തീരുമാനിച്ചു.
ഗതാഗത വകുപ്പ് പ്രിന്സിപ്പല് സെക്രട്ടറി കെ.ആര്. ജ്യോതിലാലിന് ഗതാഗത (ഏവിയേഷന്) വകുപ്പിന്റെ അധിക ചുമതല നല്കാന് തീരുമാനിച്ചു. തദ്ദേശസ്വയംഭരണ (അര്ബന്) വകുപ്പ് അഡീഷണല് സെക്രട്ടറി ആര്. ഗിരിജയെ നഗരകാര്യ വകുപ്പ് ഡയറക്ടറായി മാറ്റി നിയമിക്കും. അമൃത് മിഷന് ഡയറക്ടറുടെ അധിക ചുമതല തുടര്ന്നും വഹിക്കും. ടൂറിസം അഡീഷണല് ഡയറക്ടര് (ജനറല്) ജാഫര് മാലികിനെ സാമൂഹ്യ നീതി വകുപ്പ് ഡയറക്ടറായി മാറ്റി നിയമിക്കും. പ്ലാനിംഗ് (സി.പി.എം.യു) ഡയറക്ടറുടെ അധിക ചുമതല തുടര്ന്നും വഹിക്കും.
more recommended stories
-
വോട്ടര്മാര്ക്കും,ജീവനക്കാര്ക്കും മധുര പാനീയം നല്കി
പൊള്ളുന്ന വെയിലില് വോട്ട് ചെയ്യാന് കാത്തു.
-
‘വന്പോളിംഗ്, ജനങ്ങള് ആവേശത്തില്, ജനങ്ങള്ക്ക് കൃത്യമായ അജണ്ടയുണ്ട്’: പന്ന്യന് രവീന്ദ്രന്
തിരുവനന്തപുരം: തെരഞ്ഞെടുപ്പില് വന്പോളിങ്ങാണെന്നും ആളുകള് ആവേശത്തിലാണെന്നും.
-
ചൂട് കടുക്കും; പോളിംഗ് ബൂത്തിലേക്ക് വരുമ്പോള് ഇക്കാര്യങ്ങള് മറക്കണ്ട പാലക്കാട് പ്രത്യേക ജാഗ്രത
കനത്ത ചൂട് നിലനില്ക്കുന്ന സാഹചര്യമായതിനാല് പോളിംഗ്.
-
ഇടതുമുന്നണിയുടെ വിജയം ഉറപ്പാക്കേണ്ടത് ന്യൂനപക്ഷങ്ങളുടെ ബാധ്യത ഐ.എന്.എല്
കോഴിക്കോട്: ലോക്സഭാ തെരഞ്ഞെടുപ്പില് ഇടതുമുന്നണി സ്ഥാനാര്ഥികളുടെ.
Leave a Comment