ദുബായ്: കേരളത്തില് നിന്നുള്ള പഴങ്ങള്ക്കും പച്ചക്കറിക്കും ഏര്പ്പെടുത്തിയിരുന്ന നിരോധം യു.എ.ഇ പിന്വലിച്ചു. നിപാ വൈറസ് നിയന്ത്രണ വിധേയമായതിനെ തുടര്ന്നാണ് തീരുമാനമെടുത്തിരിക്കുന്നത്. എന്നാല് കേരളത്തില് നിന്നുള്ള ചരക്കുകളില് വൈറസ് ബാധ ഇല്ല എന്ന സാക്ഷ്യപത്രം നിര്ബന്ധമാണ്. യു.എ.ഇ കാലാവസ്ഥാമാറ്റ പരിസ്ഥിതി മന്ത്രാലയം സാമൂഹിക മാധ്യമങ്ങള് വഴിയാണ് വിലക്ക് നീക്കിയ വിവരം പരസ്യപ്പെടുത്തിയത്.
നിപാ പടര്ന്ന ഘട്ടത്തില് ലോകാരോഗ്യ സംഘടന നല്കിയ മുന്നറിയിപ്പിന്റെ അടിസ്ഥാനത്തിലാണ് യു.എ.ഇയും മറ്റ് ഗള്ഫ് രാജ്യങ്ങളും കേരള ഉല്പന്നങ്ങള്ക്ക് വിലക്ക് ഏര്പ്പെടുത്തിയിരുന്നത്. മെയ് 29നാണ് യു.എ.ഇയില് വിലക്ക് പ്രാബല്യത്തില് വന്നത്. ഗള്ഫിലെ പച്ചക്കറി വിപണിയിലേക്ക് മുഖ്യപങ്ക് ഉല്പന്നങ്ങളും എത്തിയിരുന്ന കേരളത്തില് നിന്നുള്ള കയറ്റുമതി തടഞ്ഞതോടെ പല ആഹാര വിഭവങ്ങള്ക്കും വലിയ ക്ഷാമം നേരിട്ടിരുന്നു.
നിരോധം ഏര്പ്പെടുത്തിയത് കേരളത്തിലെ കയറ്റുമതി, കര്ഷികമേഖലക്ക് വലിയ തിരിച്ചടിയായിരുന്നു. യു.എ.ഇയിലേക്ക് മാത്രം കേരളത്തിലെ മൂന്ന് വിമാനത്താവളങ്ങളില് നിന്ന് ദിവസം 50 ടണ്ണിലേറെ പഴം പച്ചക്കറി ഉല്പന്നങ്ങളാണ് എത്തുന്നത്. കേരളത്തില് നിന്ന് പുറപ്പെടുന്നു എങ്കിലും ഇവയില് നല്ലൊരു പങ്ക് തമിഴ്നാട്ടില് ഉല്പാദിപ്പിച്ചവയാണ്.
നിപാരഹിത ജില്ലകളായി മലപ്പുറം, കോഴിക്കോട് എന്നിവയെ പ്രഖ്യാപിച്ചതിനെ തുടര്ന്ന് കേന്ദ്ര ആരോഗ്യ മന്ത്രാലയം, ലോകാരോഗ്യ സംഘടന എന്നിവയുടെ കൂടി നിര്ദേശം കണക്കിലെടുത്താണ് വിലക്ക് പിന്വലിക്കാനുള്ള യു.എ.ഇ തീരുമാനം. സൗദി അറേബ്യ ഉള്പ്പെടെ മറ്റ് ഗള്ഫ് രാജ്യങ്ങളും ഇറക്കുമതി വിലക്ക് ഉടന് പിന്വലിച്ചേക്കും.
more recommended stories
-
പൊലീസ് നായയെ പറ്റിക്കാന് വീട്ടിലെ നായക്കൊപ്പം നിന്നു, ഒടുവില് പാളി; അമ്മയെ കൊന്ന ജിജോയെ കുടുക്കിയത് ആ മുറിവ്!
കൊച്ചി: മൂവാറ്റുപുഴ ആയവനയില് മകന് അമ്മയെ.
-
ഹരിയാനയില് പ്രതിസന്ധിയില്ലെന്ന് ബിജെപി, 47 എംഎല്എമാരുടെ പിന്തുണയുണ്ടെന്ന് അവകാശവാദം
ദില്ലി : ഹരിയാന നിയമസഭയില് ഭൂരിപക്ഷം.
-
റഷ്യയിലേക്കുള്ള മനുഷ്യക്കടത്ത്; രണ്ടു പേര് അറസ്റ്റില്, സിബിഐ സംഘം പിടികൂടിയത് മുഖ്യഇടനിലക്കാരെ
തിരുവനന്തപുരം: തിരുവനന്തപുരത്ത് നിന്ന് റഷ്യയിലേക്കുള്ള മനുഷ്യക്കടത്തില്.
-
ജനങ്ങളെ കബളിപ്പിക്കുന്ന പരസ്യങ്ങളില് അഭിനയിക്കുന്ന താരങ്ങള്ക്കും ഉത്തരവാദിത്വമുണ്ട്; സുപ്രീം കോടതി
ദില്ലി:ജനങ്ങളെ കബളിപ്പിക്കുന്ന പരസ്യങ്ങളില് അഭിനയിക്കുന്ന സിനിമാ, ക്രിക്കറ്റ്.
Leave a Comment