കൊച്ചി: ഒടിടി ചിത്രങ്ങളില് ഇനി അഭിനയിച്ചാല് ഫഹദ് ഫാസിലിനെ വിലക്കിയേക്കുമെന്ന് തിയറ്റര് സംഘടനയായ ഫിയോക്ക്. ഫഹദ് നായകനായ ചിത്രങ്ങള് തുടര്ച്ചയായി ഒടിടിയിലൂടെ റിലീസ് ചെയ്യുന്ന സാഹചര്യത്തിലാണ് ഫിയോക്കിന്റെ മുന്നറിയിപ്പ്. ലോക്ഡൗണ് കാലത്തും പിന്നീടും മൂന്ന് ചിത്രങ്ങളാണ് ഫഹദിന്റേതായി ഒടിടി റിലീസിനെത്തിയത്. മഹേഷ് നാരായണ് സംവിധാനം ചെയ്ത സീ യൂ സൂണ്, നസീഫ് യൂസഫ് ഇയ്യുദീന്റെ ഇരുള്, ദിലീഷ് പോത്തന് സംവിധാനം ചെയ്ത ജോജി എന്നിവയായിരുന്നു ചിത്രങ്ങള്.
ഇനിയും ഒടിടി റിലീസുകളോട് സഹകരിച്ചാല് ഫഹദ് ചിത്രങ്ങള് തിയേറ്റര് കാണുകയില്ലെന്നാണ് ഫിയോക്കിന്റെ നിലപാട്. മഹേഷ് നാരായണന്റെ ബിഗ് ബജറ്റ് ചിത്രം മാലിക്ക് ഉള്പ്പടെയുള്ള സിനിമകളുടെ പ്രദര്ശനത്തിന് വലിയ രീതിയിലുള്ള തടസങ്ങള് നേരിടുമെന്ന് ഫിയോക്ക് മുന്നറിയിപ്പ് നല്കി. പുതിയ ഫിയോക്ക് സമിതിയുടെ ആദ്യയോഗത്തിന് ശേഷമാണ് തീരുമാനം ഉണ്ടായത്.
എന്നാല് കഴിഞ്ഞ രണ്ട് മാസത്തിനിടെ രണ്ട് ചിത്രങ്ങള് ഫഹദ് ഫാസിലിന്റേതായി ഒടിടിയില് റിലീസ് ചെയ്ത സാഹചര്യത്തില് ഇതിന്റെ വിശദീകരണം അറിയുന്നതിനായാണ് ഫഹദിനെ ഫോണില് ബന്ധപ്പെട്ടതെന്ന് ഫിയോക് വിശദീകരിക്കുന്നു. രണ്ട് ചിത്രങ്ങളും ലോക്ഡൗണ് സമയത്ത് ഒടിടിക്കു വേണ്ടി മാത്രം ഷൂട്ട് ചെയ്തതായിരുന്നുവെന്നും അദ്ദേഹം പറഞ്ഞതായി ഫിയോക് അംഗങ്ങള് പറഞ്ഞു. മാത്രമല്ല ഒടിടി സിനിമകളുമായി ഉടന് സഹകരിക്കുന്നില്ലെന്ന ഉറപ്പും ഫഹദ് നല്കിയതായും ഇവര് അറിയിച്ചു.
ജീത്തു ജോസഫ് സംവിധാനം ചെയ്ത ദൃശ്യം 2 തിയേറ്ററുകളില് പ്രദര്ശിപ്പിക്കേണ്ട എന്നും സമിതി തീരുമാനിച്ചു. ആമസോണ് പ്രൈമില് റിലീസ് ചെയ്ത ഈ ചിത്രം തിയേറ്ററുകളില് റിലീസ് ചെയ്യുമെന്ന് നേരത്തേ അഭ്യൂഹമുണ്ടായിരുന്നു.
more recommended stories
-
റൈറ്റ്സ് ചാരിറ്റബിള് ട്രസ്റ്റിനുളള ധന സഹായ വിതരണവും ഗ്രീന്സ്റ്റാര് കാടങ്കോട് വെബ് പോര്ട്ടല് ലോഞ്ചിംഗും നടന്നു.
ദുബായ് : ഗ്രീന്സ്റ്റാര് കാടങ്കോട് യുഎഇ.
-
12 സീറ്റ് ഉറപ്പ്’; വിലയിരുത്തി സിപിഎം സംസ്ഥാന സെക്രട്ടേറിയറ്റ്, വടകരയില് വോട്ട് കച്ചവടം നടന്നെന്ന് ആശങ്ക
തിരുവനന്തപുരം: ലോക്സഭ തെരഞ്ഞെടുപ്പില് 12 സീറ്റില് വിജയം.
-
ചെന്തിട്ട ദേവി ക്ഷേത്രത്തിലെ തീപിടുത്തം
തിരുവനന്തപുരം: ചെന്തിട്ട ദേവി ക്ഷേത്രത്തിലെ തീപിടുത്തത്തില്.
-
മുളിയാര് കൂട്ടായ്മ ജനറല് ബോഡി യോഗംനടന്നു.
ഷാര്ജ : കാസര്കോട് ജില്ലയിലെ മുളിയാര്.