കോവിഡ് രണ്ടാം തരംഗത്തെ തുടര്ന്ന് അടച്ച തിയേറ്ററുകള് തുറക്കാനിരിക്കെ അമിത് ചക്കാലക്കല് (Amith Chakalakkal) നായകനാവുന്ന ആക്ഷന് ത്രില്ലര് ‘ജിബൂട്ടി’ (Djibouti) ഡിസംബര് 10ന് റിലീസ് ചെയ്യുമെന്ന് അണിയറ പ്രവര്ത്തകര്. ബ്ലൂഹില് നെയ്ല് കമ്മ്യൂണിക്കേഷന്റെ ബാനറില് ആഫ്രിക്കന് രാജ്യമായ ‘ജിബൂട്ടി’യിലെ മലയാളി വ്യവസായി ജോബി പി. സാം നിര്മ്മിക്കുന്ന ചിത്രം എസ്.ജെ. സിനു ആണ് സംവിധാനം ചെയ്യുന്നത്. എസ്.ജെ. സിനുവിന്റെ ആദ്യ ചലച്ചിത്ര സംരംഭമാണ് ‘ജിബൂട്ടി’.
പ്രണയത്തിനും ആക്ഷനും പ്രാധാന്യം നല്കിക്കൊണ്ടുള്ള ചിത്രത്തിന്റെ ഷൂട്ടിങ് 75 ശതമാനവും പൂര്ത്തിയാക്കിയത് ആഫ്രിക്കയിലെ ജിബൂട്ടിയിലായിരുന്നു. മുന്പ് റിലീസ് ചെയ്ത ചിത്രത്തിന്റെ ട്രെയ്ലറും പോസ്റ്ററുകളും ശ്രദ്ധ നേടിയിരുന്നു. കൈതപ്രം ദാമോദരന് നമ്ബൂതിരി വരികളെഴുതി ശങ്കര് മഹാദേവന്, ബിന്ദു അനിരുദ്ധ് എന്നിവര് ചേര്ന്ന് ആലപിച്ച ‘വിണ്ണിനഴകേ കണ്ണിനിതളേ’ എന്ന റൊമാന്റിക് സോങ്ങും ഹിറ്റ് ചാര്ട്ടില് ഇടം പിടിച്ചിരുന്നു.
അമിത് ചക്കാലക്കലിന് പുറമെ ഗ്രിഗറി, ദിലീഷ് പോത്തന്, ബിജു സോപാനം, സുനില് സുഖദ, തമിഴ് നടന് കിഷോര്, രോഹിത് മഗ്ഗു, അലന്സിയര്, പൗളി വത്സന്, മാസ്റ്റര് ഡാവിഞ്ചി തുടങ്ങിയവരും ചിത്രത്തില് അഭിനയിക്കുന്നുണ്ട്.
തിരക്കഥയും സംഭാഷണവും അഫ്സല് അബ്ദുള് ലത്തീഫ് & എസ്.ജെ. സിനു എന്നിവര് നിര്വഹിക്കുന്നു. ഛായാഗ്രഹണം: ടി.ഡി. ശ്രീനിവാസ്, ചിത്രസംയോജനം: സംജിത് മുഹമ്മദ്, എക്സിക്യൂട്ടീവ് പ്രൊഡ്യൂസര്: തോമസ് പി. മാത്യു, ആര്ട്ട്: സാബു മോഹന്, പ്രൊഡക്ഷന് കണ്ട്രോളര്: സഞ്ജയ് പടിയൂര്, കോസ്റ്റ്യൂം: ശരണ്യ ജീബു, സ്റ്റില്സ്: രാംദാസ് മാത്തൂര്, സ്റ്റണ്ട്സ്: വിക്കി മാസ്റ്റര്, റണ് രവി, മാഫിയ ശശി. ഡിസൈന്സ്: സനൂപ് ഇ.സി., വാര്ത്താ പ്രചരണം: മഞ്ജു ഗോപിനാഥ്, ഡിജിറ്റല് മാര്ക്കറ്റിംഗ്: ഹെയിന്സ്.
more recommended stories
-
പൊലീസ് ക്വാർട്ടേഴ്സിൽ വിഷം കഴിച്ച് ആത്മഹത്യക്ക് ശ്രമിച്ച ഗ്രേഡ് എസ്ഐ മരിച്ചു
കാസർകോട്: ബേഡകം സ്റ്റേഷനിലെ ഗ്രേഡ് എസ്ഐ വിജയൻ.
-
ബേവിഞ്ച പ്രീമിയർ ലീഗ് സീസൺ 2: ആദ്യ ഓവറിലെ ആറു പന്തും അതിർത്തി കടത്തി നിഷാദ് മൊട്ടയിൽ
ചെർക്കള: ആവേശമായി ബേവിഞ്ച പ്രീമിയർ ലീഗിൻ്റെ രണ്ടാം.
-
അരളിപ്പൂവിന് തത്കാലം വിലക്കില്ല
വിഷാംശം ഉണ്ടെന്ന് റിപ്പോര്ട്ട് കിട്ടിയിട്ടില്ലെന്ന് തിരു. ദേവസ്വം.
-
ജില്ലയില് സമ്മര് ചില് ക്യാമ്പിന് തുടക്കമായി
കാസര്കോട്: മഴവില് കുട്ടികളുടെ സമ്മര് ചില്.