മുംബൈ: മുംബൈ – പൂനെ എക്സ്പ്രസ് വേയില് ഓടിക്കൊണ്ടിരുന്ന ബസിന് തീപിടിച്ചു. മുംബൈയില് നിന്നും പൂനെയിലേക്ക് പോവുകയായിരുന്ന ടൂറിസ്റ്റ് ലക്ഷ്വറി ബസിനാണ് തീപിടിച്ചത്. ബസിന്റെ ടയര് പൊട്ടിയതിനെ തുടര്ന്നുണ്ടായ അഗ്നിബാധ ഷോര്ട്ട് സര്ക്യൂട്ട് മൂലം വലിയ തീപിടുത്തമായി മാറുകയായിരുന്നു എന്നാണ് റിപ്പോര്ട്ടുകള്.
രാവിലെ 7.30ഓടെയായിരുന്നു സംഭവം. തീപിടുത്തം മനസിലാക്കിയ ഉടന് മനഃസാന്നിദ്ധ്യം കൈവിടാതെ പ്രവര്ത്തിച്ച ഡ്രൈവര് എല്ലാ യാത്രക്കാരെയും പരമാവധി വേഗത്തില് ബസില് നിന്ന് പുറത്തിറക്കി. ബസില് മുഴുവനായി തീപടരുന്നതിന് മുമ്പ് തന്നെ യാത്രക്കാരെല്ലാം പുറത്തിറങ്ങിയത് വലിയ ദുരന്തം ഒഴിവാക്കി. ഡ്രൈവറുടെ സമയോചിതമായ ഇടപെടലാണ് ഇതിന് സഹായകമായത്. ആകെ 36 യാത്രക്കാരാണ് ബസിലുണ്ടായിരുന്നത്. എല്ലാവരും സുരക്ഷിതരാണെന്നും ആര്ക്കും പരുക്കില്ലെന്നും അധികൃതര് അറിയിച്ചു.
ഇന്ത്യന് റിസര്വ് ബറ്റാലിയന് (ഐ.ഐര്.ബി) പട്രോളിങ് സംഘവും അഗ്നിശമന സേനയും പൊലീസ് ഉദ്യോഗസ്ഥരും പിന്നാലെ സ്ഥലത്തെത്തി. തീ പിന്നീട് പൂര്ണമായി നിയന്ത്രണ വിധേയമാക്കി. വാഹനം പൂര്ണമായി കത്തിനശിച്ചത് സംഭവത്തിന്റെ വീഡിയോ ദൃശ്യങ്ങളില് വ്യക്തമാണ്. പ്രദേശത്താകെ കറുത്ത പുക നിറഞ്ഞു. അപകടത്തെ തുടര്ന്ന് കുറച്ച് നേരം എക്സ്പ്രസ് വേയിലൂടെയുള്ള ഗതാഗതം തടസ്സപ്പെട്ടു. തീപിടുത്തത്തിലേക്ക് നയിച്ച കാരണങ്ങളില് കൂടുതല് വ്യക്തത ലഭിക്കാനായി അന്വേഷണം തുടങ്ങിയിട്ടുണ്ട്. യാത്രക്കാര്ക്ക് ബദല് സംവിധാനങ്ങളൊരുക്കി നല്കുമെന്നും അധികൃതര് അറിയിച്ചു.
more recommended stories
-
കെഎസ്ആര്ടിസി ബസ് സ്കൂട്ടറിലിടിച്ച് അപകടം; സ്കൂട്ടര് യാത്രികര് 2 പേരും മരിച്ചു
ആലപ്പുഴ: എടത്വയില് കെഎസ്ആര്ടിസി ബസിടിച്ച് പരിക്കേറ്റ രണ്ട്.
-
ശിവകാശിയിലെ പടക്കനിര്മ്മാണ ശാലയില് പൊട്ടിത്തെറി 8 മരണം
പടക്ക നിര്മ്മാണശാലയില് പൊട്ടിത്തെറി; 5 സ്ത്രീകള്.
-
ഹയര് സെക്കണ്ടറി രണ്ടാം വര്ഷപരീക്ഷാഫലം പ്രസിദ്ധീകരിച്ചു.ഹയര് സെക്കണ്ടറി രണ്ടാം വര്ഷപരീക്ഷാഫലം പ്രസിദ്ധീകരിച്ചു.
കാസര്കോട് ജില്ലയില് പരീക്ഷ കേന്ദ്രങ്ങള് 105,.
-
ഹരിയാനയില് ആടിയുലഞ്ഞ് ബിജെപി സര്ക്കാര്, തല്ക്കാലം അവിശ്വാസ പ്രമേയ നോട്ടീസ് നല്കില്ലെന്ന് കോണ്ഗ്രസ് വൃത്തങ്ങള്
ദില്ലി :ഹരിയാനയിലെ ബിജെപി സര്ക്കാരിനെതിരെ തല്ക്കാലം.