തളിപ്പറമ്പ്: മാരുതി ഓമ്നിവാനും ടിപ്പര്‍ലോറിയും കൂട്ടിയിടിച്ച് ഓമ്നിവാനില്‍ സഞ്ചരിച്ച വിദ്യാര്‍ത്ഥി മരിച്ചു. പാലാവയലിലെ കരീക്കുന്നേല്‍ (ചിറക്കല്‍) ബെന്നി-ലിസി ദമ്പതികളുടെ മകന്‍ അജല്‍ ബെന്നി(13)ആണ് മരിച്ചത്. നാലുപേര്‍ക്ക് പരിക്കേറ്റു. മരിച്ച അജല്‍ ബെന്നിയുടെ സഹോദരന്‍ അമല്‍ ബെന്നി(19)ക്ക് ഗുരുതരമായി പരിക്കേറ്റു. ടിപ്പര്‍ലോറിയിലുണ്ടായിരുന്ന നിഷാദ്, ആസാം സ്വദേശികളായ സാജന്‍, കാര്‍ലോസ് എന്നിവര്‍ക്കാണ് പരിക്കേറ്റത്. അമലിനെ പരിയാരം മെഡിക്കല്‍ കോളജില്‍ പ്രവേശിപ്പിച്ചു. പുലര്‍ച്ചെ മൂന്നരയോടെ തളിപ്പറമ്പ് ആലക്കോട് സംസ്ഥാന പാതയില്‍ നാടുകാണി കിന്‍ഫ്ര ടെക്സ്‌റ്റൈല്‍ പാര്‍ക്കിന് മുന്നിലായിരുന്നു അപകടം. കണ്ണൂരില്‍ നിന്നും ദീപിക പത്രവുമായി പോകുകയായിരുന്ന കെഎല്‍ 13 ടി 1580 ഓമ്നിവാനും തളിപ്പറമ്പ് ഭാഗത്തേക്ക് വരികയായിരുന്ന കെഎല്‍ 59 എഫ് 7943 ടിപ്പര്‍ലോറിയുമാണ് കൂട്ടിയിടിച്ചത്. ശബ്ദം കേട്ട് പരിസരവാസികളും ഇതുവഴി വാഹനത്തില്‍ പോകുന്നവരും ഓടിയെത്തി ഓമ്നിവാനില്‍ കുടുങ്ങിയ അമലിനെ ഉടന്‍ പുറത്തെടുത്ത് തളിപ്പറമ്പ് സഹകരണ ആശുപത്രിയിലെത്തിച്ചുവെങ്കിലും അകത്ത് കുടുങ്ങിപ്പോയ അജലിനെ പുറത്തെടുക്കാനായില്ല. അപകടത്തില്‍ ടിപ്പര്‍ ലോറി ഡ്രൈവര്‍ക്കും നിസാര പരിക്കേറ്റു. ഇയാളെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു. തളിപ്പറമ്പില്‍ നിന്നും അഗ്‌നിശമനസേനയും പോലീസും എത്തിയാണ് വാന്‍ വെട്ടിപ്പൊളിച്ച് അജലിനെ പുറത്തെടുത്തത്. അപ്പോഴേക്കും മരിച്ചിരുന്നു. മൃതദേഹം പരിയാരം മെഡിക്കല്‍ കോളജ് മോര്‍ച്ചറിയില്‍. മരിച്ച അജല്‍ പാലാവയല്‍ സെന്റ് ജോണ്‍സ് ഹയര്‍സെക്കണ്ടറി സ്‌കൂളില്‍ എട്ടാം ക്ലാസ് വിദ്യാര്‍ത്ഥിയാണ്.
more recommended stories
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച് വെബ് കാസ്റ്റിംഗ് കണ്ട്രോള് റൂംജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച്.
ഇ. പി ജയരാജന്-ജാവദേക്കര് കൂടികാഴ്ച: പ്രതികരിക്കാതെ യെച്ചൂരി, കേരളത്തിലെ നേതാക്കള് സംസാരിച്ചെന്ന് വിശദീകരണംകേരളത്തിലെ പാര്ട്ടി നേതാക്കള് സംസാരിച്ചിട്ടുണ്ടെന്ന് യെച്ചുരി.
ഡല്ഹി കാപിറ്റല്സിനെതിരെ നിര്ണായക മത്സരത്തില് മുംബൈ ഇന്ത്യന്സിന് ടോസ്ദില്ലി: ഐപിഎല്ലില് ഡല്ഹി കാപിറ്റല്സിനെതിരായ മത്സരത്തില്.
‘ആ ഉറപ്പ് പാലിച്ചു’; എസ്എംഎ രോഗികളായ 12 വയസ് വരെയുള്ള കുട്ടികള്ക്ക് സൗജന്യ മരുന്ന് വിതരണം, മാതൃകയായി കേരളംതിരുവനന്തപുരം: അപൂര്വ രോഗമായ സ്പൈനല് മസ്കുലര് അട്രോഫി.
Leave a Comment