തിരുവനന്തപുരം: ആധാര് പാന് ബന്ധിപ്പിക്കല് തീയതി നീട്ടണമെന്നു സംസ്ഥാന സര്ക്കാര് കേന്ദ്രത്തോട് ആവശ്യപ്പെടും. അക്ഷയ കേന്ദ്രങ്ങളിലെ തിരക്കു കാരണം ആധാര്പാന് ബന്ധിപ്പിക്കല് പൂര്ത്തിയാക്കാന് ജനങ്ങള്ക്കു പ്രയാസം നേരിടുന്നതായി ഐടി മിഷന് സംസ്ഥാന സര്ക്കാരിനു കത്തു നല്കിയതിനെത്തുടര്ന്നാണു നടപടി. ഒരു മാസമെങ്കിലും സമയം നീട്ടി നല്കണമെന്നാണു ആവശ്യം.കേന്ദ്ര ധനകാര്യമന്ത്രാലയത്തിനു സംസ്ഥാന സര്ക്കാര് ഇന്നു കത്ത് കൈമാറും. ഈ മാസം 30ന് ആധാര്പാന് ലിങ്കിങ് പൂര്ത്തിയാക്കണമെന്നാണു കേന്ദ്ര നിര്ദേശം. ആധാര് പാന് കാര്ഡുകളിലെ രേഖകളിലെ വ്യത്യാസം കാരണം ബന്ധിപ്പിക്കല് നടപടികള് വേഗത്തില് പൂര്ത്തിയാക്കാന് സാധിക്കുന്നില്ലെന്നും ജനങ്ങള് കൂട്ടത്തോടെ എത്തുന്നതിനാല് അക്ഷയകേന്ദ്രങ്ങളില് വലിയ തിരക്കാണ് അനുഭവപ്പെടുന്നതെന്നും സര്ക്കാരിനു കൈമാറിയ കത്തില് ഐടി മിഷന് ചൂണ്ടിക്കാട്ടുന്നു.
ആധാറിലെയും പാനിലെയും വിവരങ്ങള് ഒന്നാണെങ്കില് മാത്രമേ ബന്ധിപ്പിക്കല് നടപടികള് പൂര്ത്തിയാക്കാന് കഴിയൂ. പാനിലെയും ആധാറിലെയും പേരിലും മേല്വിലാസത്തിലും ജനനത്തീയതിയിലും വ്യത്യാസമുള്ളതായി ചൂണ്ടിക്കാണിച്ചു നിരവധി പേരാണ് അക്ഷയ കേന്ദ്രങ്ങളിലെത്തുന്നത്. തിരുത്തല് നടപടികള്ക്കായി ജനങ്ങള് കൂട്ടത്തോടെ എത്തിയതോടെ അക്ഷയ കേന്ദ്രങ്ങളില് വലിയ തിരക്കാണ്. പാനിലെയും ആധാറിലെയും വിവരങ്ങളില് മാറ്റമുള്ളതിനാല് കേന്ദ്ര സര്ക്കാരിന്റെ വെബ്സൈറ്റ് വഴിയും ബന്ധിപ്പിക്കല് നടപടികള് പൂര്ത്തിയാക്കാന് കഴിയുന്നില്ല. ഈ സാഹചര്യത്തില് സമയം നീട്ടി നല്കാന് കേന്ദ്രത്തോട് ആവശ്യപ്പെടണം’ ഐടി മിഷന്റെ കത്തില് വ്യക്തമാക്കുന്നു.ആധാറിലെ തെറ്റുകള് തിരുത്താന് കൂടുതല് ആളുകളെത്തിയതോടെ സോഫ്റ്റ്വെയറില് ഉണ്ടായ പ്രശ്നങ്ങളും കത്തില് ചൂണ്ടിക്കാണിച്ചിട്ടുണ്ട്. വിഷയം കേന്ദ്ര സര്ക്കാരിന്റെ ശ്രദ്ധയില്പ്പെടുത്തുമെന്നും അനുകൂല നടപടി ഉണ്ടാകുമെന്നാണു പ്രതീക്ഷിക്കുന്നതെന്നും സര്ക്കാര് കേന്ദ്രങ്ങള് വ്യക്തമാക്കി
more recommended stories
-
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച് വെബ് കാസ്റ്റിംഗ് കണ്ട്രോള് റൂം
ജില്ലയിലെ തെരഞ്ഞെടുപ്പ് പ്രക്രിയ സൂക്ഷ്മം നിരീക്ഷിച്ച്.
-
ഇ. പി ജയരാജന്-ജാവദേക്കര് കൂടികാഴ്ച: പ്രതികരിക്കാതെ യെച്ചൂരി, കേരളത്തിലെ നേതാക്കള് സംസാരിച്ചെന്ന് വിശദീകരണം
കേരളത്തിലെ പാര്ട്ടി നേതാക്കള് സംസാരിച്ചിട്ടുണ്ടെന്ന് യെച്ചുരി.
-
ഡല്ഹി കാപിറ്റല്സിനെതിരെ നിര്ണായക മത്സരത്തില് മുംബൈ ഇന്ത്യന്സിന് ടോസ്
ദില്ലി: ഐപിഎല്ലില് ഡല്ഹി കാപിറ്റല്സിനെതിരായ മത്സരത്തില്.
-
‘ആ ഉറപ്പ് പാലിച്ചു’; എസ്എംഎ രോഗികളായ 12 വയസ് വരെയുള്ള കുട്ടികള്ക്ക് സൗജന്യ മരുന്ന് വിതരണം, മാതൃകയായി കേരളം
തിരുവനന്തപുരം: അപൂര്വ രോഗമായ സ്പൈനല് മസ്കുലര് അട്രോഫി.
Leave a Comment