13
ദക്ഷിണാഫ്രിക്കയ്ക്കെതിരായ മൂന്നാം T20യില്‍ ഇന്ത്യ ശക്തമായ നിലയില്‍. നിശ്ചിത 20 ഓവറില്‍ ഇന്ത്യ 219 റണ്‍സെടുത്തു. തിലക് വര്‍മയ്ക്ക് സെഞ്ച്വറി. 51 പന്തില്‍ നിന്നുമാണ് തിലക് വര്‍മ സെഞ്ച്വറി നേടിയത്. 107 റണ്‍സുമായി പുറത്താവത്തെ നിന്ന തിലക് വര്‍മയാണ് ഇന്ത്യയെ 200 കടത്തിയത്. ഓപ്പണര്‍ അഭിഷേക് ശര്‍മ 25 പന്തില്‍ 50 റണ്‍സ് നേടി. എന്നാല്‍ മലയാളി താരം സഞ്ജു സാംസണ്‍ വീണ്ടും നിരാശപ്പെടുത്തി.
മൂന്നാം ടി20യിലും ടോസ് നേടിയ ദക്ഷിണാഫ്രിക്ക ഇന്ത്യയെ ബാറ്റിംഗിനയക്കുകയായിരുന്നു. രണ്ടാം ടി20 കളിച്ച ടീമില്‍ ഒരു മാറ്റവുമായാണ് ഇന്ത്യ ഇന്നിറങ്ങിയത്. പേസര്‍ ആവേഷ് ഖാന് പകരം ഓള്‍ റൗണ്ടര്‍ രമണ്‍ദീപ് സിംഗ് ഇന്ത്യയുടെ പ്ലേയിംഗ് ഇലവനിലെത്തി.
