മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമി:സ്‌കൂള്‍ ഓഫ് മാപ്പിള ആര്‍ട്‌സ് മാപ്പിള പാട്ട് പരിശീലന കോഴ്‌സുകള്‍ അടുത്തമാസത്തോടെ തുടക്കമാവും, അപേക്ഷാഫോറം വിതരണം ചെയ്തു തുടങ്ങി.
മൊഗ്രാല്‍. മഹാകവി മോയിന്‍കുട്ടി വൈദ്യര്‍ സ്മാരക അക്കാദമിയുടെ കീഴിലുള്ള സ്‌കൂള്‍ ഓഫ് മാപ്പിള ആര്‍ട്‌സിന്റെ മാപ്പിളപ്പാട്ട് പരിശീലന കേന്ദ്രത്തിന് അടുത്തവര്‍ഷം ആരംഭത്തോടെ (2025 ജനുവരി) തുടക്കമാവും.
മൊഗ്രാല്‍ ഫ്രണ്ട്‌സ് ക്ലബ് ഓഫീസില്‍ താല്‍ക്കാലികമായി ഇതിന് സൗകര്യം ഒരുക്കും.ജില്ലയില്‍ നിന്നുള്ള 15നും 25നും വയസ്സ് പ്രായമുള്ള കുട്ടികള്‍ക്കാണ് പരിശീലനം നല്‍കുക.മോയിന്‍കുട്ടി വൈദ്യര്‍ സ്മാരക അക്കാദമി നല്‍കുന്ന രണ്ടുവര്‍ഷം കോഴ്‌സുകള്‍ പ്രകാരമായിരിക്കും പരിശീലനം.ഇതിന് മാപ്പിള കലാകാരന്മാരായ അധ്യാപകരുടെ സേവനം ലഭ്യമാക്കും.കോഴ്‌സ് പൂര്‍ത്തിയാക്കുന്നവര്‍ക്ക് പരീക്ഷകള്‍ നടത്തി സംസ്ഥാന സര്‍ക്കാരിന്റെ സാംസ്‌കാരിക വകുപ്പിന് കീഴിലുള്ള മോയിന്‍കുട്ടി വൈദ്യര്‍ സ്മാരക അക്കാദമിയുടെ ഔദ്യോഗിക സര്‍ട്ടിഫിക്കറ്റുകള്‍ വിതരണം ചെയ്യും.ഇത് വിദ്യാര്‍ത്ഥികള്‍ക്ക് കലാരംഗത്തുള്ള വളര്‍ച്ചയ്ക്കും,ഉന്നത വിദ്യാഭ്യാസ പ്രവേശനത്തിനും ഉപകരിക്കുമെന്ന് സംഘാടകര്‍ പറഞ്ഞു.
മൊഗ്രാലില്‍ ‘ഇശല്‍ ഗ്രാമം ട്രസ്റ്റ്”എന്ന പേരിലായിരിക്കും മോയിന്‍കുട്ടി വൈദ്യര്‍ സ്മാരക അക്കാദമിയില്‍ അഫിലിയേറ്റ് ചെയ്യുക. ഇതിന്റെ അംഗീകാരം ഉടന്‍ ലഭ്യമാക്കും.സംഘടന ഇന്ത്യന്‍ സൊസൈറ്റി ആക്ട് പ്രകാരം ട്രസ്റ്റായി രജിസ്റ്റര്‍ ചെയ്യും.ഇ തിനായുള്ള പ്രാരംഭ പ്രവര്‍ത്തനങ്ങള്‍ക്ക് തുടക്കം കുറിച്ചിട്ടുണ്ട്.
തുടക്കം എന്ന നിലയിലാണ് സംഗീതോപകരണങ്ങളോടുകൂടിയുള്ള മാപ്പിളപ്പാട്ട് ഗാനാലാപന കോഴ്‌സാ യിരിക്കും തുടങ്ങുക.ഫീസ് പിന്നീട് തീരുമാനിക്കും. ആദ്യഘട്ടം എന്ന നിലയില്‍ 50 കുട്ടികളെയാണ് പ്രതീക്ഷിക്കുന്നത്. അപേക്ഷാഫോറം ട്രസ്റ്റ് ഭാരവാഹികളില്‍ നിന്ന് ലഭിക്കും. ബന്ധപ്പെടേണ്ട നമ്പര്‍:9633444494,9895636141,9633321543,
ഇതുമായി ബന്ധപ്പെട്ട് ചേര്‍ന്ന യോഗത്തില്‍ വച്ച് പ്രവാസി വ്യവസായി ഹമീദ് സ്പിക്,സ്‌കൂള്‍ ഓഫ് മാപ്പിള ആര്‍ട്‌സ് ചെയര്‍മാന്‍ ബഷീര്‍ അഹമ്മദ് സിദ്ദീഖിന് അപേക്ഷ ഫോറം നല്‍കി വിതരണോദ്ഘാടനം നിര്‍വഹിച്ചു.കണ്‍വീനര്‍ കെഎം മുഹമ്മദ് അധ്യക്ഷത വഹിച്ചു.അഹമ്മദലി കുമ്പള സ്വാഗതം പറഞ്ഞു.എംപി അബ്ദുല്‍ ഖാദര്‍,എം എ മൂസ,താജുദ്ദീന്‍ മൊഗ്രാല്‍,കെവി അശ്‌റഫ്,എംഎസ് അഷറഫ്,എംഎസ് മുഹമ്മദ് കുഞ്ഞി എന്നിവര്‍ സംബന്ധിച്ചു.
ഫോട്ടോ:മൊഗ്രാലില്‍ ആരംഭിക്കുന്ന മാപ്പിളപ്പാട്ട് ഗാനാലാപന കോഴ്സി നുള്ള അപേക്ഷാഫോറം പ്രവാസി വ്യവസായി എംഎഹമീദ് സ്പിക്, സ്‌കൂള്‍ ഓഫ് മാപ്പിള ആര്‍ട്‌സ് ചെയര്‍മാന്‍ ബഷീര്‍ അഹമ്മദ് സിദ്ദീഖിന് നല്‍കി വിതരണോദ്ഘാടനം നിര്‍വഹിക്കുന്നു.
