കാസര്കോട്: നൂറ്റാണ്ടുകള്ക്ക് മുമ്പ് തന്നെ, തിന്മകളില് നിന്ന് അകന്ന് നില്ക്കാന് കല്പിച്ച മതത്തിന്റെ ശ്രേഷ്ഠത വിശ്വാസികള് മനസ്സിലാക്കണമെന്നും ആദര്ശ വിശുദ്ധിയും പ്രതാപവും കാത്തുസൂക്ഷിക്കണമെന്നും ഖത്വീബ് നൗഫല് ഒട്ടുമ്മല് അഭിപ്രായപ്പെട്ടു. അശരണരേയും അഗതികളേയും അനാഥകളേയും സംരക്ഷിക്കേണ്ടത് വിശ്വാസികളുടെ ബാധ്യതയാണെന്നും അദ്ദേഹം അഭിപ്രായപ്പെട്ടു.
കാസര്കോട് വിസ്ഡം ദഅവ സെന്റര് സംഘടിപ്പിച്ച ഈദ് ഗാഹില് പെരുന്നാള് ഖുതുബ നിര്വ്വഹിക്കുകയായിരുന്നു അദ്ദേഹം. സ്ത്രീകളടക്കം നൂറുകണക്കിന് വിശ്വാസികള് പങ്കെടുത്തു.
എസ്.പി.നഗറില് മുജീബ് റഹ്മാന് സ്വലാഹിയും കല്ലക്കട്ടയില് മുഹമ്മദലി നജ്മിയും ബോവിക്കാനത്ത് അസ്ലം മദനിയും കുഞ്ചത്തൂര് നൂര് മസ്ജിദില് അനീസ് മദനിയും ഉപ്പളയില് റഫീഖ് മൗലവിയും മേല്പറമ്പില് അസ്ബക് അല് ഹികമിയും കാഞ്ഞങ്ങാട് മുഹാജിര് ഫാറൂഖിയും മൊഗ്രാലില് ശിഹാബ് മൊഗ്രാലും പട്ലയില് ഷക്കീര് സലഫിയും ചൗക്കിയില് മുസ്തഫ മദനിയും ബേവിഞ്ചയില് ഷമീര് മദനിയും നീര്ച്ചാലില് അനസ് പൈവളികയും കടമ്പാറില് ആഷിക് അല് ഹികമിയും മിയാപദവില് മഹ്മൂദ് ബാഖവിയും ബന്ദിയോട് ശമ്മാസ്അല് ഹികമിയും പെരുമ്പട്ടയില് യാസിര് അല് ഹികമിയും ഓരിമുക്കില് മുനീര് ഷറഫിയും പൈവളികയില് അന്സാര് ആരിക്കാടിയും ബംബ്രാണയില് ഹസന് സലഫിയും
മുഗു റോഡില് അഷ്റഫ് മാന്യയും ഉദുമ പടിഞ്ഞാറില് വാരിസ് ബിന് അബ്ദുസത്താറും പെര്ളയില് സവാദ് സലഫിയും പെരുന്നാള് നിസ്കാരത്തിനും ഖുതുബക്കും നേതൃത്വം നല്കി.
Photo: കാസര്കോട് വിസ്ഡം ദഅവ സെന്റര് ഈദ്ഗാഹില് ഖത്വീബ് നൗഫല് ഒട്ടുമ്മല് ഈദ് ഖുതുബ നിര്വ്വഹിക്കുന്നു
