പയ്യന്നൂരിലെ ഒന്നര വയസുകാരന്റെ മരണത്തില് അന്വേഷണം വേഗത്തിലാക്കണമെന്ന് കുഞ്ഞിന്റെ അച്ഛന്. നീതി കിട്ടും വരെ പോരാടുമെന്ന് കുടുംബം. മുഖ്യമന്ത്രിയെ നേരില് കണ്ട് പരാതി നല്കും.
കണ്ണൂര്: പയ്യന്നൂരിലെ ഒന്നര വയസുകാരന്റെ മരണത്തില് അന്വേഷണം വേഗത്തിലാക്കണമെന്ന് കുഞ്ഞിന്റെ അച്ഛന്. സംസ്ഥാനതല വിദഗ്ധ സമിതി വൈകാതെ ചേരണമെന്നും കുറ്റക്കാരായ ഡോക്ടര്മാര് ശിക്ഷിക്കപ്പെടണമെന്നും അച്ഛന് സൂരജ് പറഞ്ഞു. നീതി കിട്ടും വരെ പോരാടുമെന്ന് കുടുംബം വ്യക്തമാക്കി. മുഖ്യമന്ത്രിയെ നേരില് കണ്ട് പരാതി നല്കും.
പയ്യന്നൂര് സ്വദേശികളായ സൂരജിന്റെയും വിജിഷയുടെയും ഏക മകനായ ദേവാന്ഷ് ശൗര്യക്ക് കളിക്കുന്നതിനിടെ വീണ് പരിക്കേറ്റാണ് ആശുപത്രിയിലെത്തിച്ചത്. ചുണ്ടിലും താടിയിലുമുണ്ടായ മുറിവിന് സ്റ്റിച്ച് ഇടാന് പയ്യന്നൂര് ബിഎംഎച്ച് ആശുപത്രിയില് വെച്ച് അനസ്തീഷ്യ നല്കിയതിന് പിന്നാലെ കുഞ്ഞ് ഗുരുതരാവസ്ഥയിലാക്കുകയായിരിന്നു. തുടര്ന്ന് കണ്ണൂര് ബിഎംഎച്ച് ആശുപത്രിയിലേക്ക് മാറ്റിയെങ്കിലും മരിക്കുകയായിരുന്നു.
