20
പ്രധാനമന്ത്രി നരേന്ദ്ര മോദി രണ്ടു ദിവസത്തെ സന്ദര്‍ശനത്തിനായി ഇന്ന് മൗറീഷ്യസിലേക്ക് തിരിച്ചു. നാളെ നടക്കുന്ന മൗറീഷ്യസിന്റെ 57 മത് ദേശീയ ദിനാഘോഷങ്ങളില്‍ പ്രധാനമന്ത്രി മോദി മുഖ്യാതിഥിയായി പങ്കെടുക്കും.
മൗറീഷ്യസ് പ്രധാനമന്ത്രി ഡോ. നവീന്‍ചന്ദ്ര രാംഗൂലത്തിന്റെ പ്രത്യേകക്ഷണം സ്വീകരിച്ചാണ് സന്ദര്‍ശനം. മൗറീഷ്യസിലെ 34 മന്ത്രിമാരും പ്രധാനമന്ത്രിയെ സ്വീകരിക്കാന്‍ വിമാനത്താവളത്തില്‍ എത്തും.
മൗറീഷ്യസ് ഇന്ത്യയുടെ അടുത്ത സമുദ്ര അയല്‍ക്കാരനും, ഇന്ത്യന്‍ മഹാസമുദ്രത്തിലെ ഒരു പ്രധാന പങ്കാളിയും, ആഫ്രിക്കന്‍ ഭൂഖണ്ഡത്തിലേക്കുള്ള ഒരു കവാടവുമാണെന്ന് യാത്രക്ക് മുന്‍പായി പ്രധാനമന്ത്രി മോദി പ്രതികരിച്ചു.
