17
കൊച്ചി: ആലുവയില്‍ കാണാതായ നിയമ വിദ്യാര്‍ത്ഥിയുടെ മൃതദേഹം പുഴയില്‍ നിന്നും കണ്ടെത്തി. എടത്തല മണി മുക്കിലെ ന്യൂവല്‍സ് കോളേജിലെ എല്‍എല്‍ബി വിദ്യാര്‍ത്ഥി തിരുവന്തപുരം സ്വദേശി അതുല്‍ ഷാബുവിന്റെ മൃതദേഹമാണ് ഉളിയന്നൂരിലെ സ്‌കൂബാ ടീം മുങ്ങിയെടുത്തത്.
മണലി മുക്കില്‍ ന്ധുവിനൊപ്പം വാടകയ്ക്ക് താമസിക്കുന്ന അതുലിനെ ഇന്നലെ മുതല്‍ കാണാതാകുകയായിരുന്നു. ഇതിനിടെ ആലുവ മാര്‍ത്താണ്ഡവര്‍മ്മപാലത്തില്‍ നിന്നും ഒരാള്‍ പുഴയിലേക്ക് ചാടിയെന്ന് ആരോ പൊലീസിലേക്ക് വിവരം നല്‍കി. പൊലീസിന്റെ പരിശോധനയില്‍ ഒരു ബൈക്കും മൊബൈല്‍ ഫോണും കണ്ടെത്തി. ഇത് അതുലിന്റേതാണെന്ന് തിരിച്ചറിഞ്ഞു. തുടര്‍ന്ന് ആലുവ പുഴയില്‍ വീണ്ടും തിരച്ചില്‍ നടത്തുകയായിരുന്നു.
