ശ്രദ്ധേയമായി കളത്തൂര് ശാഖയുടെ ചായ സല്ക്കാരം
കാസര്കോട്: ഒക്ടോബര് 10ന് ബുഖാറയില് നടക്കുന്ന എസ്.കെ.എസ്.എസ്.എഫ് കാസര്കോട് ജില്ലാ സമ്മേളനത്തിന്റെ പ്രചാരണ-സംഘാടക പ്രവര്ത്തനങ്ങളുടെ ഭാഗമായി കളത്തൂര് ശാഖ കമ്മിറ്റി സംഘടിപ്പിച്ച വേറിട്ട ചായ സല്ക്കാരം ശ്രദ്ധേയമായി. സമ്മേളന സന്ദേശം ജനങ്ങളിലേക്കെത്തിക്കുന്നതിനൊപ്പം പ്രവര്ത്തകരെയും നാട്ടുകാരെയും ഒരുമിച്ചിരുത്തി സൗഹൃദാന്തരീക്ഷത്തില് ആശയവിനിമയം നടത്തുകയെന്ന ലക്ഷ്യത്തോടെയാണ് ചായ സല്ക്കാരം സംഘടിപ്പിച്ചത്.
പ്രദേശത്തെ പ്രവര്ത്തകരും നാട്ടുകാരും വിവിധ മേഖലകളില് പ്രവര്ത്തിക്കുന്നവരും പങ്കെടുത്ത പരിപാടി സമ്മേളനത്തിന്റെ പ്രചാരണ പ്രവര്ത്തനങ്ങള്ക്ക് പുതിയ ഊര്ജം പകര്ന്നു. സമ്മേളനത്തിന്റെ ലക്ഷ്യങ്ങളും സന്ദേശവും പരിപാടികളും പരിചയപ്പെടുത്തുന്നതിനൊപ്പം ശാഖാതല പ്രവര്ത്തനങ്ങള് കൂടുതല് സജീവമാക്കുന്നതിനുള്ള ചര്ച്ചകള്ക്കും പരിപാടി വേദിയായി.
ചായ സല്ക്കാരത്തിന്റെ ഉദ്ഘാടനം എസ്.കെ.എസ്.എസ്.എഫ് കാസര്കോട് ജില്ലാ ജനറല് സെക്രട്ടറി ഇര്ഷാദ് ഹുദവി ബെദിര നിര്വഹിച്ചു. കരീം ഫൈസി അധ്യക്ഷത വഹിച്ചു. പി.എച്ച്. അസ്ഹരി സ്വാഗതം പറഞ്ഞു. സയ്യിദ് ശറഫുദ്ദീന് തങ്ങള് കുന്നുംകൈ അനുഗ്രഹ പ്രഭാഷണം നടത്തി.
സമസ്ത മുഫത്തിഷ് ഹംസ ഫൈസി, ജുനൈദ് ഫൈസി ബംബ്രാണ, ഇല്യാസ് ഹുദവി ഉറുമി, ഉനൈസ് അസ്നവി ആരിക്കാടി,ശക്കീല് അസ്ഹരി, അബ്ദുള് റഹ്മാന് മടപ്പാടി, അബ്ദുള് ഹക്കീം പാച്ചാണി, ഹനീഫ് ഉസ്താദ്, അസ്ലം അസ്നവി, നവാസ് ഫൈസി, അശ്റഫ് ഇംദാദി, സയാന് അബ്ദുള്ള, ഇര്ഫാന് കളത്തൂര്, സജ്ജാദ്, ശഹീന് അബ്ബാസ്, റുമൈസ്, നാസര് ബദ്രിയ, അശ്റഫ് കുച്ചിക്കാട്,ഷഹീര്,എന്നിവര് സംസാരിച്ചു.
ജില്ലാ സമ്മേളനത്തിന്റെ ഭാഗമായി ശാഖാതലങ്ങളില് വ്യത്യസ്തവും ജനകീയവുമായ പരിപാടികള് സംഘടിപ്പിച്ച് സമ്മേളന സന്ദേശം കൂടുതല് വിപുലമായി ജനങ്ങളിലേക്കെത്തിക്കാനുള്ള പ്രവര്ത്തനങ്ങള് തുടരുകയാണ്. സമ്മേളനത്തിന്റെ വിജയത്തിനായി ഓരോ ശാഖയും സജീവമായ ഇടപെടലുകള് നടത്തണമെന്ന് ഭാരവാഹികള് ആഹ്വാനം ചെയ്തു.
