കേപ്ടൗണ് (ദക്ഷിണാഫ്രിക്ക) : ലോക ക്രിക്കറ്റിനെ ഞെട്ടിച്ച് മല്സരത്തിനിടെ പന്തില് കൃത്രിമം കാട്ടാന് കൂട്ടുനിന്ന് നായകന് സ്റ്റീവ് സ്മിത്തിനും ഉപനായകന് ഡേവിഡ് വാര്ണറിനും ആജീവനാന്ത വിലക്കുവരെ ലഭിക്കാന് സാധ്യത. പെരുമാറ്റച്ചട്ടലംഘനത്തിന്റെ പേരില് ഇരുവര്ക്കുമെതിരെ ക്രിക്കറ്റ് ഓസ്ട്രേലിയ അന്വേഷണം ആരംഭിച്ചിട്ടുണ്ട്. നിലവില് സ്റ്റീവ് സ്മിത്തിന് ഒരു കളിയിലെ സസ്പെന്ഷനും മാച്ച് ഫീയുടെ 100 ശതമാനം പിഴയുമാണ് വിധിച്ചിരിക്കുന്നത്.
എന്നാല് ഇത്രയും വലിയ കൃത്യവിലോപം കാണിച്ചതിന് സ്മിത്തിനെതിരെ കടുത്ത നടപടിയുണ്ടാകുമെന്നാണു വിലയിരുത്തല്. പെരുമാറ്റച്ചട്ടങ്ങളിലെ ഗുരുതര ലംഘനങ്ങള്ക്ക് ആജീവനാന്ത വിലക്കാണ് ഓസ്ട്രേലിയന് ക്രിക്കറ്റ് നിയമത്തിലുള്ളത്. ഓസ്ട്രേലിയന് സര്ക്കാരും ക്രിക്കറ്റ് ഭരണസമിതിയും സംഭവം രാജ്യത്തിനാകെ നാണക്കേടുണ്ടാക്കിയെന്ന അഭിപ്രായമാണ്. അതിനാല്തന്നെ അസോസിയേഷന്റെ അന്വേഷണത്തിനു ശേഷം ഇരുതാരങ്ങള്ക്കും വിലക്കേര്പ്പെടുത്തുമെന്ന് വിലയിരുത്തപ്പെടുന്നു.
താരങ്ങളില്നിന്നും പരിശീലകനില്നിന്നും വിവരങ്ങള് തേടുന്നതിനായി ഓസ്ട്രേലിയന് ക്രിക്കറ്റ് ബോര്ഡ് അധ്യക്ഷന് ഇയാന് റോയിയും ടീം പെര്ഫോമന്സ് മാനേജര് പാറ്റ് ഹോവാര്ഡും ദക്ഷിണാഫ്രിക്കയിലെത്തിയിരുന്നു. കൂടിക്കാഴ്ചയ്ക്കുശേഷം ക്രിക്കറ്റ് ബോര്ഡിന്റെ ഏറ്റവും വലിയ ശിക്ഷ നല്കണമെന്ന് ഇയാന് റോയി ശുപാര്ശ ചെയ്തതായി റിപ്പോര്ട്ടുണ്ട്. മല്സരശേഷം ബാന്ക്രോഫ്റ്റുമൊന്നിച്ച് പത്രസമ്മേളനത്തിനെത്തിയ സ്മിത്ത് തെറ്റു സംഭവിച്ചുവെന്നും മല്സരം കൈവിട്ടുപോകുമെന്ന ഘട്ടത്തില് നടത്തിയ ‘അറ്റകൈ’ പ്രയോഗമായിരുന്നു അതെന്നും തുറന്നു സമ്മതിച്ചിരുന്നു. അതിനാല് തന്നെ കടുത്ത നടപടികള്ക്കുള്ള സാധ്യത തള്ളിക്കളയാന് ആകില്ല.
more recommended stories
-
വോട്ട് ചെയ്യാനിറങ്ങിയ കുടുംബം സഞ്ചരിച്ച കാര് തീപിടിച്ച് പൂര്ണമായും കത്തി കുടുംബം രക്ഷപ്പെട്ടത് തലനാരിഴയ്ക്ക്
കാറിന്റെ മുന് ഭാഗത്ത് നിന്നും പുക കണ്ട.
-
കള്ളവോട്ട് പരാതി
കാസര്കോട് UDF വ്യാപകമായി കള്ളവോട്ട് ചെയ്യുന്നതായി.
-
വോട്ടര്മാര്ക്കും,ജീവനക്കാര്ക്കും മധുര പാനീയം നല്കി
പൊള്ളുന്ന വെയിലില് വോട്ട് ചെയ്യാന് കാത്തു.
-
‘വന്പോളിംഗ്, ജനങ്ങള് ആവേശത്തില്, ജനങ്ങള്ക്ക് കൃത്യമായ അജണ്ടയുണ്ട്’: പന്ന്യന് രവീന്ദ്രന്
തിരുവനന്തപുരം: തെരഞ്ഞെടുപ്പില് വന്പോളിങ്ങാണെന്നും ആളുകള് ആവേശത്തിലാണെന്നും.
Leave a Comment