കാസര്കോട് : അണങ്കൂരില് ഗ്യാസ് സിലിണ്ടര് കയറ്റിപോകുകയായിരുന്ന ടാങ്കര് ലോറി നിയന്ത്രണം വിട്ട് കാറിലും,ഓട്ടോയിലും , കണ്ടെയനര് ലോറിയിലുമിടിച്ചുണ്ടായ അപകടത്തില് യുവാവ് മരിച്ചു. കാറോടിച്ചിരുന്ന പടുവടുക്കത്തെ മുഹമ്മദ് കുഞ്ഞിയുടെ മകന് നിസാമുദ്ദീനാണ് മരിച്ചത്. അപകടത്തില് ലോറി ഡ്രൈവര്ക്കും ഗുരുതരമായി പരിക്കേറ്റു.ലോറി ഡ്രൈവര് കര്ണാടക പുത്തൂര് സ്വദേശി രാജുവിനാണ് ഗുരുതരമായി പരിക്കേറ്റത്. വെള്ളിയാഴ്ച ഉച്ചയോടെ അണങ്കൂര് ദേശീയപാതയിയിലായിരുന്നു അപകടം.അപകടത്തില് പെട്ട രണ്ടുപേരെയും നുള്ളിപ്പാടിയിലെ സ്വകാര്യ ആശുപത്രിയില് പ്രവേശിപ്പിച്ചു.എന്നാല് നിസാമുദ്ദീന് മരണപ്പെടുകയായിരുന്നു. കാഞ്ഞങ്ങാട് ഭാഗത്തുനിന്നും മംഗളൂരു ഭാഗത്തേക്ക് പോകുകയായിരുന്ന ഗ്യാസ് സിലിണ്ടര് കയറ്റിപ്പോകുന്ന ലോറിയും കാസര്കോട് നിന്നും വിദ്യനഗര് പടുവടുക്കത്തേക്ക് പോവുകയായിരുന്ന ആദ്യം കൂട്ടിയിടിക്കുകയായിരുന്നു.
അപകടത്തെത്തുടര്ന്ന് നിയന്ത്രണം വിട്ട ടാങ്കര് ലോറി ഓട്ടോയിലും പിന്നീട് കാര് ഷോറൂമിന് മുന്നില് നിര്ത്തിയിട്ട പുതിയ കാറുകളുള്ള കണ്ടെയ്നര് ലോറിയിലും ഇടിച്ച ശേഷം മറിയുകയായിരുന്നു. അപകടത്തില് നിസാമുദ്ദീന് സഞ്ചരിച്ച ഫോര് രജിസ്ട്രേഷന് കാര് പൂര്ണമായും തകര്ന്നു.
ഓട്ടോയും ഭാഗികമായി തകര്ന്നിട്ടുണ്ട്. ഓട്ടോറിക്ഷ ചെര്ക്കള ഭാഗത്തേക്ക് പോവുകയായിരുന്നു. കണ്ടയിന് ലോറിയിലുണ്ടായിരുന്ന കാറുകളില് മിക്കതും തകര്ന്നു. ഒഴിഞ്ഞ സിലിണ്ടര് മാത്രം ലോറിയിലുണ്ടായിരുന്നതിനാല് വന് ദുരന്തമാണ് ഒഴിവായത്.
അപകടവിവരമറിഞ്ഞ് കാസര്കോട് ടൗണ് പോലീസും ഫയര്ഫോഴ്സും നാട്ടുകാരും സ്ഥലത്തെത്തിയായിരുന്നു പരിക്കേറ്റവരെ ആശുപത്രിയിലെത്തിച്ചത്. റവന്യുമന്ത്രി ഇ ചന്ദ്രശേഖരന് സംഭവസ്ഥലം സന്ദര്ശിച്ചു.അപകടത്തെ തുടര്ന്ന് ദേശീയ പാതയിലെ ഗതാഗതം മണിക്കൂറുകളോളം സ്തംഭിച്ചു.
more recommended stories
-
വോട്ട് ചെയ്യാനിറങ്ങിയ കുടുംബം സഞ്ചരിച്ച കാര് തീപിടിച്ച് പൂര്ണമായും കത്തി കുടുംബം രക്ഷപ്പെട്ടത് തലനാരിഴയ്ക്ക്
കാറിന്റെ മുന് ഭാഗത്ത് നിന്നും പുക കണ്ട.
-
കള്ളവോട്ട് പരാതി
കാസര്കോട് UDF വ്യാപകമായി കള്ളവോട്ട് ചെയ്യുന്നതായി.
-
വോട്ടര്മാര്ക്കും,ജീവനക്കാര്ക്കും മധുര പാനീയം നല്കി
പൊള്ളുന്ന വെയിലില് വോട്ട് ചെയ്യാന് കാത്തു.
-
‘വന്പോളിംഗ്, ജനങ്ങള് ആവേശത്തില്, ജനങ്ങള്ക്ക് കൃത്യമായ അജണ്ടയുണ്ട്’: പന്ന്യന് രവീന്ദ്രന്
തിരുവനന്തപുരം: തെരഞ്ഞെടുപ്പില് വന്പോളിങ്ങാണെന്നും ആളുകള് ആവേശത്തിലാണെന്നും.
Leave a Comment