തിരുവനന്തപുരം: അഷ്ടമിരോഹിണി ദിനത്തില് ശോഭായാത്രയും മറ്റും സംഘടിപ്പിച്ചതിനു പിന്നാലെ രാമായണമാസാചരണം സംഘടിപ്പിക്കാനൊരുങ്ങി സി.പി.എം. രാമായണത്തിന്റെ സാമൂഹിക പശ്ചാത്തലം വിശദമാക്കുന്ന സെമിനാറുകളും പ്രഭാഷണങ്ങളും നടത്താനാണ് പാര്ട്ടി തീരുമാനം. ക്ഷേത്രങ്ങള് കയ്യടക്കാനുള്ള ബി.ജെ.പി ശ്രമം തടയാന് അമ്ബലക്കമ്മറ്റിക്കാരുടെ യോഗം വിളിക്കാനും സി.പി.എം തീരുമാനിച്ചിട്ടുണ്ട്.
സാമൂഹിക സാഹചര്യം വിലയിരുത്തി പാര്ട്ടി സ്വയം മാറുന്നതിന്റെ തെളിവാണ് രാമായണ മാസാചരണവും പരിപാടികളുമെന്നാണ് വിലയിരുത്തല്. എന്നാല് സി.പി.എം നേരിട്ടല്ല ഈ ഇടപെടല് നടത്തുന്നത്. പാര്ട്ടിയുടെ ഭാഗമായുള്ള സംസ്കൃത സംഘത്തിന്റെ നേതൃത്വത്തിലാണ് രാമായണ മാസാചരണം സംഘടിപ്പിക്കുന്നത്. രാമായണ പാരായണത്തിനൊപ്പം ഇതിഹാസത്തിന്റെ സാമൂഹിക പശ്ചാത്തലവും വിശദീകരിക്കുന്ന സെമിനാറുകളും പ്രഭാഷണങ്ങളും ഉണ്ടാകും. ഈ മാസം 25-ന് സംസ്ഥാനതല സെമിനാറും തുടര്ന്ന് എല്ലാ ജില്ലകളിലും പ്രഭാഷണങ്ങളും ചര്ച്ചകളും നടക്കും. ആലപ്പുഴയിലെ സെമിനാറില് സുനില് പി. ഇളയിടമാണ് മുഖ്യപ്രഭാഷകന്.
അഷ്ടമിരോഹിണി ദിനത്തില് ശോഭായാത്രയും മറ്റും സംഘടിപ്പിച്ച സിപിഎം ഇതാദ്യമായാണ് രാമായണമാസാചരണത്തിലേക്ക് കടക്കുന്നത്. വിശ്വാസം വഴിയുള്ള ബി.ജെ.പിയുടെ കടന്നുകയറ്റം തടയുക എന്ന ലക്ഷ്യമാണ് ഇതിനു പിന്നിലുള്ളതെന്നാണ് വിലയിരുത്തല്. മാത്രമല്ല ക്ഷേത്രക്കമ്മിറ്റികള് വഴിയുള്ള ബി.ജെ.പിയുടെ രാഷ്ട്രീയ ഇടപെടല് തടയാന് മതനിരപേക്ഷ മനസുള്ള അമ്ബലക്കമ്മിറ്റിക്കാരുടെ കൂട്ടായ്മ സംഘടിപ്പിക്കാനും സി.പി.എം സംസ്ഥാന സമിതി തീരുമാനിച്ചിട്ടുണ്ട്.
more recommended stories
-
പൊലീസ് ക്വാർട്ടേഴ്സിൽ വിഷം കഴിച്ച് ആത്മഹത്യക്ക് ശ്രമിച്ച ഗ്രേഡ് എസ്ഐ മരിച്ചു
കാസർകോട്: ബേഡകം സ്റ്റേഷനിലെ ഗ്രേഡ് എസ്ഐ വിജയൻ.
-
ബേവിഞ്ച പ്രീമിയർ ലീഗ് സീസൺ 2: ആദ്യ ഓവറിലെ ആറു പന്തും അതിർത്തി കടത്തി നിഷാദ് മൊട്ടയിൽ
ചെർക്കള: ആവേശമായി ബേവിഞ്ച പ്രീമിയർ ലീഗിൻ്റെ രണ്ടാം.
-
അരളിപ്പൂവിന് തത്കാലം വിലക്കില്ല
വിഷാംശം ഉണ്ടെന്ന് റിപ്പോര്ട്ട് കിട്ടിയിട്ടില്ലെന്ന് തിരു. ദേവസ്വം.
-
ജില്ലയില് സമ്മര് ചില് ക്യാമ്പിന് തുടക്കമായി
കാസര്കോട്: മഴവില് കുട്ടികളുടെ സമ്മര് ചില്.
Leave a Comment