ന്യൂഡല്ഹി : തിരഞ്ഞെടുപ്പില് വോട്ടിങ് യന്ത്രത്തിന് പകരം ബാലറ്റ് പേപ്പര് ഉപയോഗിക്കണമെന്നാവശ്യപ്പെട്ട് കോണ്ഗ്രസ് അടക്കമുള്ള 17 പാര്ട്ടികള് തിരഞ്ഞെടുപ്പ് കമ്മിഷനെ സമീപിക്കുന്നു. അടുത്ത ലോക്സഭാ തിരഞ്ഞെടുപ്പില് ബാലറ്റ് പേപ്പര് ഉപയോഗിക്കണമെന്നാണ് ഇവരുടെ ആവശ്യം.
പശ്ചിമബംഗാള് മുഖ്യമന്ത്രിയും തൃണമൂല് കോണ്ഗ്രസ് അധ്യക്ഷയുമായ മമത ബാനര്ജിയാണ് നീക്കത്തിന് ചുക്കാന് പിടിക്കുന്നത്. എസ്.പി, ബി.എസ്.പി, ഇടതു പാര്ട്ടികള്, ആര്.ജെ.ഡി, എന്.സി.പി, എ.എ.പി, ഡി.എം.കെ, ടി.ഡി.പി, വൈ.എസ്.ആര് കോണ്ഗ്രസ് തുടങ്ങിയ കക്ഷികള് ബാലറ്റ് പേപ്പര് ആവശ്യത്തെ പിന്തുണയ്ക്കുന്നുവെന്നാണ് വിവരം. ബി.ജെ.പിയുമായി ഇടഞ്ഞു നില്ക്കുന്ന ശിവസേനയും നീക്കത്തിനൊപ്പമുണ്ട്.
നിയമസഭകളിലെ തിരഞ്ഞെടുപ്പ് തോല്വികള്ക്ക് പിന്നില് വോട്ടിങ് യന്ത്രത്തിന്റെ ക്രമക്കേട് ആണെന്ന് പ്രതിപക്ഷ പാര്ട്ടികള് ഉന്നയിച്ചിരുന്നു. ഇതിനെ തുടര്ന്നാണ് ബാലറ്റ് പേപ്പര് എന്ന ആവശ്യം ഉയര്ന്നു വന്നിരിക്കുന്നത്.
സോണിയാഗാന്ധിയും രാഹുല് ഗാന്ധിയുമായും കഴിഞ്ഞ ദിവസം നടത്തിയ കൂടിക്കാഴ്ചയിലാണ് ബാലറ്റ് പേപ്പറിനായി ഒറ്റക്കെട്ടായി നീങ്ങണമെന്ന നിര്ദേശം മമത ബാനര്ജി മുന്നോട്ട് വച്ചത്. നിര്ദേശം ശനിയാഴ്ച ചേരുന്ന കോണ്ഗ്രസ് പ്രവര്ത്തക സമിതി ചര്ച്ച ചെയ്യും. തിങ്കളാഴ്ച ഗുലാം നബി ആസാദിന്റെ വസതിയില് കക്ഷി നേതാക്കളുടെ യോഗം ചേരാനാണ് ധാരണ.
more recommended stories
-
വോട്ട് ചെയ്യാനിറങ്ങിയ കുടുംബം സഞ്ചരിച്ച കാര് തീപിടിച്ച് പൂര്ണമായും കത്തി കുടുംബം രക്ഷപ്പെട്ടത് തലനാരിഴയ്ക്ക്
കാറിന്റെ മുന് ഭാഗത്ത് നിന്നും പുക കണ്ട.
-
കള്ളവോട്ട് പരാതി
കാസര്കോട് UDF വ്യാപകമായി കള്ളവോട്ട് ചെയ്യുന്നതായി.
-
വോട്ടര്മാര്ക്കും,ജീവനക്കാര്ക്കും മധുര പാനീയം നല്കി
പൊള്ളുന്ന വെയിലില് വോട്ട് ചെയ്യാന് കാത്തു.
-
‘വന്പോളിംഗ്, ജനങ്ങള് ആവേശത്തില്, ജനങ്ങള്ക്ക് കൃത്യമായ അജണ്ടയുണ്ട്’: പന്ന്യന് രവീന്ദ്രന്
തിരുവനന്തപുരം: തെരഞ്ഞെടുപ്പില് വന്പോളിങ്ങാണെന്നും ആളുകള് ആവേശത്തിലാണെന്നും.
Leave a Comment