ഇന്‍ഡ്യന്‍ മെഡിക്കല്‍ അസോസിയേഷന്‍ കാസര്‍കോട് ബ്രാഞ്ചിന്റെ ആഭിമുഖ്യത്തില്‍ വിവിധ പരിപാടികളോടെ ജൂലൈ ഒന്ന് ഡോക്ടേര്‍സ് ഡേ സമുചിതമായി ആഘോഷിച്ചു.ഐ എം എ ഹാളില്‍ ചേര്‍ന്ന കുടുംബ മേളയില്‍ ഐ എം എ ബ്രാഞ്ച് പ്രസിഡണ്ട് ഡോ.ജിതേന്ദ്ര റായ് അദ്ധ്യക്ഷത വഹിച്ചു. ജില്ലാ പോലീസ് മേധാവി പി.ബിജോയ് മുഖ്യാതിഥി ആയി പങ്കെടുത്തു.പ്രതികൂല സാഹചര്യങ്ങളിലും മികച്ച സേവനം കാഴ്ചവെക്കുന്ന ഡോക്ടര്‍മാരുടെ സമൂഹത്തെ അദ്ദേഹം പ്രകീര്‍ത്തിച്ചു . വര്‍ദ്ധിച്ച് വരുന്ന സൈബര്‍ സാമ്പത്തിക കുറ്റവാളികളുടെ കെണിയില്‍ പെടാതെ സൂക്ഷിക്കാന്‍ അദ്ദേഹം ഡോക്ടര്‍മാരെ ഉപദേശിച്ചു. ദീര്‍ഘകാലമായി കാസറഗോഡ് മേഖലയില്‍ ചികിത്സാരംഗത്ത് പ്രവര്‍ത്തിക്കുന്ന ഡോ.സുബ്രറായ കമ്മത്ത് , ഡോ.സുബ്രറായ ഭട്ട് എന്നിവരെ ആദരിച്ചു. ഫാമിലി ഫിസിഷ്യനായി ഉള്‍നാട്ടില്‍ 50 വര്‍ഷം സേവനമനുഷ്ടിച്ച ഡോ.പി. കൃഷ്ണ ഭട്ടിനെ പ്രത്യേകം ആദരിച്ചു. മികച്ച പാരാമെഡിക്കല്‍ വര്‍ക്കര്‍ക്കുള്ള ക്യാപ്ടന്‍ ഡോ.കെ. എ. ഷെട്ടി എന്‍ഡോവ്‌മെന്റ് അവാര്‍ഡിന് അര്‍ഹനായ കാസറഗോഡ് ഗവ.ജനറല്‍ ആശുപത്രിയിലെ എ ആര്‍ ടി സെന്റര്‍ കൗണ്‍സിലര്‍ അനില്‍ കുമാറിന് മുഖ്യാതിഥി അവാര്‍ഡ് സമ്മാനിച്ചു. ഡോ.എ.വി.ഭരതന്‍ ഡോ.ബി.സി.റോയ് സ്മാരക പ്രഭാഷണം നടത്തി.ഡോ. ബി എസ് റാവു , ഡോ.കെ. അനന്ത കമ്മത്ത്, ജില്ലാ കണ്‍വീനര്‍ ഡോ.ബി.നാരായണ നായ്ക് എന്നിവര്‍ ആശംസകള്‍ നേര്‍ന്നു. ഡോക്ടര്‍മാരായ ജനാര്‍ദ്ദനനായ്ക് , മായാ മല്യ , ശ്യാമപ്രസാദ്, സുരേഷ് മല്യ , ടി.ഖാസിം എന്നിവര്‍ വിവിധ പരിപാടികളില്‍ പങ്കെടുത്തു. സെക്രട്ടറി ഡോ.പ്രജ്യോത് ഷെട്ടി നന്ദി രേഖപ്പെടുത്തി. വിമ മുന്‍ പ്രസിഡണ്ട് ഡോ. രേഖാ റായ് പരിപാടികള്‍ നിയന്ത്രിച്ചു.
more recommended stories
കാസര്കോഡ് ബളാല് പഞ്ചായത്തിലെ കൊന്നക്കാട് ,മൂത്താടി കോളനിയില് ഭൂമി പിളര്ന്ന നിലയില് കണ്ടെത്തികാസര്കോഡ്: കാസര്കോഡ് ബളാല് പഞ്ചായത്തിലെ കൊന്നക്കാട് ,.
ജിസിസി കെഎംസിസി ചൗക്കി മേഖല കമ്മിറ്റിയുടെ ചികിത്സാ ദനസഹായം കൈമാറിചൗക്കി: ജിസിസി കെഎംസിസി ചൗക്കി മേഖല കമ്മിറ്റി.
ബഷീര് അനുസ്മരണം സംഘടിപ്പിച്ചുപെരുമ്പള: ഗവണ്മെന്റ് എല് പി സ്കൂള് പെരുമ്പളയില്.
കമ്പാര് എല് പി സ്കൂള് പുതിയ പി ടി എ ഭാരവാഹികളെ തെരഞ്ഞെടുത്തുകാസര്ഗോഡ്: കമ്പാര് ഗവണ്മെന്റ് എല്പിഎസിലെ 2024.