ഓണക്കാലത്തെ വിപണി ഇടപെടലിന്റെ ഭാഗമായി കേരള സ്റ്റേറ്റ് സിവില് സപ്ലൈസ് കോര്പ്പറേഷന് (സപ്ലൈകോ) എല്ലാ നിയോജക മണ്ഡലങ്ങളിലും ഓണം ഫെയര് ഒരുക്കുന്നതിന്റെ ഭാഗമായി ‘ഉദുമ നിയോജക മണ്ഡലം ഓണം ഫെയര്’ സപ്ലൈകോ ഉദുമ സൂപ്പര് മാര്ക്കറ്റില് ആരംഭിച്ചു. കെ.നീലകണ്ഠന് എം.എല്.എ ഉദ്ഘാടനം ചെയ്തു. ഉദുമ ഗ്രാമ പഞ്ചായത്ത് പ്രസിഡന്റ് ചന്ദ്രന് നാലാം വാതുക്കല് അധ്യക്ഷത വഹിച്ചു. സപ്ലൈകോ കാഞ്ഞങ്ങാട് ഡിപ്പോ മാനേജര് എം.രവീന്ദ്രന് സ്വാഗതം പറഞ്ഞു. ഉദുമ ഗ്രാമ പഞ്ചായത്ത് ക്ഷേമ കാര്യ സ്റ്റാന്റിംഗ് കമ്മിറ്റി ചെയര് പേഴ്സണ് എം മംഗള, വികസന കാര്യ സ്റ്റാന്റിംഗ് കമ്മിറ്റി ചെയര്മാന് ഹംസ ദേളി, മെമ്പര്മാരായ കരീം നാലാം വാതുക്കല്, സി.കെ വേണു, ശംഭു ബേക്കല്, കെ.വി അനീസ്, പി.വി കൃഷ്ണന്, കെ.പ്രമീള, സൗറ ഉബൈദ്, കെ.രാജകല, രാഷ്ട്രീയ പാര്ട്ടി പ്രതിനിധികളായ ശ്രീധരന് വയലില്, കെബി എം ഷെരീഫ്, എംഎച്ച് ഹാരിസ്, പ്രദീപ് കൂട്ടക്കനി, രാഘവന് മേല്പ്പറമ്പ്, രാജേന്ദ്ര പ്രസാദ്,സപ്ലൈകോ കാഞ്ഞങ്ങാട് സീനിയര് അസിസ്റ്റന്റ്
കെ.മദനന് സംസാരിച്ചു. അരിയും വെളിച്ചെണ്ണയുമടങ്ങുന്ന ഭക്ഷ്യ വസ്തുക്കള് ന്യായവിലക്ക് ഉറപ്പാക്കുന്നതോടൊപ്പം ഉപഭോക്താക്കള്ക്കായി വന് വിലക്കുറവുകളും ഓഫറുകളും പ്രത്യേക സമ്മാന പദ്ധതികളും ഓണം ഫെയറിന്റെ ഭാഗമായി ഒരുക്കിയിട്ടുണ്ട്.
‘ഉദുമ നിയോജക മണ്ഡലം ഓണം ഫെയര്’ സപ്ലൈകോ ഉദുമ സൂപ്പര് മാര്ക്കറ്റില് ആരംഭിച്ചു.
