‘സ്ത്രീകള് വീട്ടില് ഒതുങ്ങേണ്ടവരല്ല, ഇത്തരം പ്രസ്താവനകളോട് യോജിപ്പില്ല’
കാന്തപുരത്തിന്റ പ്രസ്താവനയോട് യോജിപ്പില്ലെന്ന് മുഖ്യമന്ത്രി വാര്ത്തസമ്മേളനത്തില് പറഞ്ഞു. ഇത്തരം നിലപാടുകള് പുരോഗമന കേരളത്തിന് ചേര്ന്നതല്ല. ശക്തിയായ എതിര്പ്പാണ് ഇത്തരം പ്രസ്താവനകളോടെന്നും മുഖ്യമന്ത്രി വ്യക്തമാക്കി.
തിരുവനന്തപുരം: കാന്തപുരത്തിന്റെ വിവാദ സ്ത്രീവിരുദ്ധ പരാമര്ശത്തില് വിയോജിപ്പ് പരസ്യമാക്കി മുഖ്യമന്ത്രി വി ഡി സതീശന്. കാന്തപുരത്തിന്റ പ്രസ്താവനയോട് യോജിപ്പില്ലെന്ന് മുഖ്യമന്ത്രി വാര്ത്തസമ്മേളനത്തില് പറഞ്ഞു. ഇത്തരം നിലപാടുകള് പുരോഗമന കേരളത്തിന് ചേര്ന്നതല്ല. ശക്തിയായ എതിര്പ്പാണ് ഇത്തരം പ്രസ്താവനകളോടെന്നും മുഖ്യമന്ത്രി വ്യക്തമാക്കി. ഇത്തരം പ്രസ്താവനങ്ങള് ഇസ്ലാമിനെ പോലും തെറ്റായി വ്യാഖ്യാനിക്കുന്നുവെന്നും മുഖ്യമന്ത്രി കൂട്ടിച്ചേര്ത്തു.
നബിദിന റാലി ഇവിടെ ഭാഗമായി എത്തിയ ആള്ക്കൂട്ടത്തില് പലയിടത്തും സ്ത്രീ സാന്നിധ്യം ഉണ്ടായതാണ് കാന്തപുരത്തെയും അവരുടെ പുരോഹിത സംഘടനയെയും പ്രകോപിപ്പിച്ചത്. സ്ത്രീകളെ പ്രദര്ശിപ്പിക്കരുത് എന്ന് അടക്കമുള്ള വിവാദ പരാമര്ശങ്ങളാണ് കാന്തപുരം എ പി അബൂബക്കര് മുസ്ലിയാര് നയിക്കുന്ന ജംഇയ്യത്തുല് ഉലമയുടെ സര്ക്കുലറില് ഉണ്ടായിരുന്നത്. അതേസമയം, സ്ത്രീവിരുദ്ധ സര്ക്കുലര് വിഷയത്തില് കാന്തപുരത്തെ തള്ളാതെയായിരുന്നു മുസ്ലിം ലീഗ് അധ്യക്ഷന് പാണക്കാട് സാദിഖലി തങ്ങളുടെ പ്രതികരണം. കോണ്ഗ്രസ് മന്ത്രിമാര് ഉള്പ്പെടെയുള്ളവര് കാന്തപുരത്തെ തള്ളിപ്പറഞ്ഞുവെങ്കിലും വിഷയത്തില് ലീഗ് തന്ത്രപരമായ നിലപാട് ആണ് സ്വീകരിക്കുന്നത്. സ്ത്രീ സുരക്ഷ മുന്നിര്ത്തിയുള്ള പ്രസ്താവന ആകാമെന്നും വാര്ത്തനക കാലത്ത് സ്ത്രീകള് വേട്ടയാടപ്പെടുന്നുവെന്നുമാണ് സാദിഖ് അലി ശിഹാബ് തങ്ങള് പറഞ്ഞത്. സാമൂഹ്യ അവസ്ഥയെ ആകും കാന്തപുരം ഉദ്ദേശിച്ചത്. മത പണ്ഡിതന്റെ അഭിപ്രായമാണതെന്നും സമൂഹത്തിന്റെ നന്മക്ക് വേണ്ടിയുള്ള അഭിപ്രായത്തോട് ചേര്ന്ന് നില്ക്കുക എന്നതാണ് ലീഗ് നിലപാടെന്നും അദ്ദേഹം പറഞ്ഞു
