കാസര്കോട് : സമയബന്ധിതമായി ചുരുങ്ങിയ ദിവസങ്ങള്ക്കുള്ളില് തന്നെ നിര്മ്മാണപ്രവര്ത്തനങ്ങള് പൂര്ത്തിയാക്കിയതിന് ഡിജിപിയുടെ പ്രത്യേക അഭിനന്ദനം ലഭിച്ച ഗവ.പൊതുമരാത്ത് കരാറുകാരന് സുനൈഫ് എം.എ.എച്ചിനെ ലയണ്സ് ക്ലബ്ബ് ഓഫ് ചന്ദ്രഗിരി അനുമോദിച്ചു. കേരള പോലീസിന്റെ പല നിര്മ്മാണ പ്രവൃത്തികളും കേരളത്തിലുടനീളം സുനൈഫിന്റെ നേതൃത്വത്തിലാണ് പൂര്ത്തീകരിച്ചത്.
നിലവില് ക്ലബ്ബ് വൈസ് പ്രസിഡണ്ടായ സുനൈഫിന് ക്ലബ്ബ് പ്രസിഡണ്ട് ഷാഫി നാലപ്പാട് ഉപഹാരം സമര്പ്പിച്ചു. ജലീല് മുഹമ്മദ്, ഫാറൂഖ് കാസ്മി, എം.പി അബ്ദുല് നാസര്, ആസിഫ്, ഷാഫി പാറക്കട്ട, മഹമൂദ് എം.എ.എച്ച് സംസാരിച്ചു. സെക്രട്ടറി ഷാഫി എ.നെല്ലിക്കന്ന് സ്വാഗതവും എം.എ സിദ്ദീഖ് നന്ദിയും പറഞ്ഞു.
