മലയാളി താരം രാഹുൽ കെപിയാണ് താരങ്ങളെ മുണ്ടുടുക്കാനും മടക്കി കുത്താനും പരിശീലിപ്പിച്ചത്
ഓണം കോസ്‌റ്റ്യൂമിൽ ബ്ലാസ്റ്റേഴ്സിന്റെ കിടിലൻ ടീം പ്രസന്റേഷൻ; തിരുവോണ നാളിൽ ആദ്യ മത്സരം
കൊച്ചി: ഐ എസ് എൽ പതിനൊന്നാം സീസണിന് സെപ്തംബർ 13 ന് തുടക്കമാവുകയാണ്. സെപ്തംബർ 15 ന് തിരുവോള നാളിലാണ് കേരളത്തിന്റെ സ്വന്തം ടീമായ കേരള ബ്ലാസ്റ്റേഴ്സിന്റെ ആദ്യ മത്സരം. പുതിയ സീസണിലെ ആദ്യ മത്സരത്തിൽ വിജയം സ്വന്തമാക്കി ആരാധകർക്ക് ഓണസമ്മാനം നൽകാനൊരുങ്ങുകയാണ് കേരള ബ്ലാസ്റ്റേഴ്സ്. കൊച്ചി കലൂർ അന്താരാഷ്ട്ര സ്റ്റേഡിയത്തിൽ നടക്കുന്ന ആദ്യ മത്സരത്തിൽ പഞ്ചാബ് എഫ്സിയാണ് കൊമ്പന്മാരുടെ എതിരാളികൾ. ഇന്നലെ ബ്ലാസ്റ്റേഴ്സിന്റെ പൂർണ സ്ക്വാഡിനെ പരിചയപ്പെടുത്തുന്ന മീറ്റ് ദി സ്റ്റാർസ് ചടങ്ങ് കൊച്ചി ലുലുമാളിൽ സംഘടിപ്പിച്ചു.
ഓണം കോസ്‌റ്റ്യൂമിൽ ബ്ലാസ്റ്റേഴ്സിന്റെ കിടിലൻ ടീം പ്രസന്റേഷൻ; തിരുവോണ നാളിൽ ആദ്യ മത്സരം
കേരള ക്രിക്കറ്റ് ലീഗിലെ ആദ്യ ഹാട്രിക്ക് അഖിൽദേവിന്; കാലിക്കറ്റിന് ആറ് വിക്കറ്റ് വിജയം
ആരാധകർ നിറഞ്ഞ സദസ്സിലേക്ക് മലയാളത്തനിമയോടെ കസവുമുണ്ടുടുത്താണ് എല്ലാ താരങ്ങളും എത്തിയത്. സീസണിന് മുന്നോടിയായി കൊച്ചിയിലേക്ക് തിങ്കളാഴ്ചയാണ് താരങ്ങൾ വന്നത്. മാളിന്റെ എല്ലാ നിലകളിലും ആരാധകർ ആവേശത്തോടെ നിലയുറപ്പിച്ചിരുന്നു. നിറഞ്ഞ കൈയടികളോടെയും ആർപ്പ് വിളികളോടെയുമാണ് ഓരോ താരത്തെയും എതിരേറ്റത്. മലയാളി താരം രാഹുൽ കെപിയാണ് താരങ്ങളെ മുണ്ടുടുക്കാനും മടക്കി കുത്താനും പരിശീലിപ്പിച്ചത്. ക്യാപ്റ്റൻ അഡ്രിയാൻ ലൂണ ഒഴികെ ഉള്ള എല്ലാ താരങ്ങളും ടീം ഒഫിഷ്യൽസും ചടങ്ങിനെത്തിയിരുന്നു. ഇത്രയധികം ആരാധക പിന്തുണ താൻ പ്രതീക്ഷിച്ചില്ലെന്നും ഇതിന് പകരമായി ടീമിന്റെ പരമാവധി പ്രകടനം പുറത്തെടുക്കാൻ ശ്രമിക്കുമെന്നും പുതിയ പരിശീലകൻ മൈക്കൽ സ്റ്റാറേ പറഞ്ഞു.
ടീം: അഡ്രിയൻ ലൂണ (ക്യാപ്റ്റൻ), സച്ചിൻ സുരേഷ്, നോറ ഫെർണാണ്ടസ്, സോം കുമാർ (ഗോൾ കീപ്പർമാർ). മിലോസ് ഡ്രിൻസിച് (വൈസ് ക്യാപ്റ്റൻ), അലക്സാണ്ടർ കോയഫ്, പ്രീതം കോട്ടാൽ, ഹോർമിപാം, സന്ദീപ് സിങ്, നവോച്ച സിങ്, ഐബൻഭ ധോലിങ്, മുഹമ്മദ് സഹീഫ് (പ്രതിരോധം), ഫ്രെഡി ലാലൻമാവിയ, വിബിൻ മോഹനൻ, ഡാനിഷ് ഫാറൂഖ്, യൊഹൻബ മെയ്തേയ്, മുഹമ്മദ് അസ്ഹർ, മുഹമ്മദ് അയ്മൻ, ബ്രെയ്സ് മിറാൻഡ, സൗരവ് മണ്ഡൽ, നോവ സദൂയി (മധ്യനിര), ആർ.ലാൽത്തൻമാവിയ, കെ.പി.രാഹുൽ, ഇഷാൻ പണ്ഡിത, ക്വാമെ പെപ്ര, ജെസുസ് ഹിമിനെ (മുന്നേറ്റ നിര).
