നിരവധി കേസുകളില്‍ പ്രതികളായ മൂന്നംഗ സംഘം എംഡിഎംഎ കടത്തുന്നതിനിടെ അകത്തായി

കുമ്പള മാട്ടംകുഴിയില്‍ പൊലീസ് നടത്തിയ വാഹന പരിശേധനയ്ക്കിടെയാണ് പികപ് വാനില്‍ നിന്ന് എംഡിഎംഎ പിടികൂടിയത്.നിരവധി ക്രിമിനല്‍ കേസുകളില്‍ പ്രതികളായ കുമ്പള പൊലീസ് സ്റ്റേഷന്‍ പരിധിയില്‍ താമസക്കാരനും പാലക്കാട് സ്വദേശിയുമായ മനോഹരന്‍ (35), തമിഴ് നാട് ഡിണ്ടിഗല്‍ സ്വദേശിയും കുമ്പള പൊലീസ് സ്റ്റേഷന്‍ പരിധിയില്‍ താമസക്കാരനുമായ ശെല്‍വരാജ് (24), കുമ്പള പൊലീസ് സ്റ്റേഷന്‍ പരിധിയില്‍ താമസക്കാരനായ സ്വാദിഖ് (33) എന്നിവരാണ് അറസ്റ്റിലായത്.കുമ്പള പൊലീസ് ഞായറാഴ്ച വൈകീട്ട് നടത്തിയ പട്രോളിങിനിടയില്‍ പികപ് വാന്‍ തടഞ്ഞുനിര്‍ത്തി പരിശോധിച്ചപ്പോഴാണ് ക്രിമിനല്‍ കേസുകളിലെ പ്രതികളാണെന്ന് വ്യക്തമായത്. വാനില്‍ നിന്ന് 2.2 ഗ്രാം എംഡിഎംഎ പിടികൂടി.
ശെല്‍വരാജ് പോക്സോ കേസിലെ പ്രതി കൂടിയാണ്. സ്വാദിഖ് നിലവില്‍ കാപ കേസില്‍ പ്രതിയാണ്. കുമ്പള ഇന്‍സ്പെക്ടര്‍ കെ പി വിനോദ് കുമാര്‍, എസ്ഐ കെ ശ്രീജേഷ് എന്നിവര്‍ ചേര്‍ന്നാണ് മയക്കുമരുന്ന് പിടികൂടിയത്. പ്രതികളെ തിങ്കളാഴ്ച ഉച്ചയോടെ കോടതിയില്‍ ഹാജരാക്കും