വേനല്ക്കാലത്ത് അമീബിക് മസ്തിഷ്ക ജ്വരം വര്ധിക്കാന് സാധ്യത. ശുദ്ധമല്ലാത്ത വെള്ളത്തില് കുളിക്കുകയോ മുഖം കഴുകുകയോ ചെയ്യരുതെന്ന് ആരോഗ്യവകുപ്പിന്റെ ജാഗ്രത നിര്ദേശം. പൊതുസ്ഥലങ്ങളില് വെള്ളത്തിന്റെ ഗുണനിലവാരം ബന്ധപ്പെട്ട വകുപ്പുകള് പരിശോധിക്കുകയും ആവശ്യമായ മുന്കരുതലുകള് സ്വീകരിക്കുകയും വേണം. ജലസ്രോതസ്സുകള് വൃത്തിയായി സൂക്ഷിക്കണം, കിണറുകളും, ടാങ്കുകളും,നീന്തല് കുളങ്ങളും ക്ലോറിനേറ്റ് ചെയ്ത് ശുദ്ധമാക്കണമെന്നും ആരോഗ്യവകുപ്പിന്റെ നിര്ദേശം.
അമീബിക് മസ്തിഷ്ക ജ്വരം കണ്ടെത്താനുള്ള പരിശോധനകള് കൂടി നടത്താന് ആരോഗ്യവകുപ്പിന്റെ നിര്ദേശമുണ്ട്. മസ്തിഷ്ക ജ്വരത്തിന്റെ രോഗലക്ഷണങ്ങള് കാണുന്നവര് എത്രയും വേഗം ചികിത്സ തേടണമെന്നും വിഷയത്തില് ആരോഗ്യവകുപ്പ് നിരീക്ഷണം ശക്തമാക്കിയിട്ടുണ്ടെന്ന് മന്ത്രി വീണാ ജോര്ജ് വ്യക്തമാക്കി.
