കുമ്പള: കാസറഗോഡ് ബ്ലോക്ക് പഞ്ചായത്ത് കേരളോത്സവത്തില്‍ സംഘാടക സമിതി അംഗങ്ങള്‍ തമ്മിലുള്ള ഷോര്‍ട്ട് പുട്ട് മത്സരം കാണികളില്‍ നിന്ന് ആവേശം കൊയ്തു. കായികരംഗത്തെ തങ്ങളുടെ പ്രാവീണ്യം പ്രദര്‍ശിപ്പിച്ചുകൊണ്ട് സംഘാടകര്‍ മത്സരത്തിന് പുതുമേകി.
മത്സരത്തില്‍ മൊയ്തീന്‍ അസീസ് കെ എം ഒന്നാം സ്ഥാനവും, ഹനീഫ് പാറ രണ്ടാം സ്ഥാനവും, അഷ്‌റഫ് കാര്‍ളെ മൂന്നാം സ്ഥാനവും നേടി. സൗഹൃദാത്മകമായ അന്തരീക്ഷത്തില്‍ നടന്ന മത്സരം കാണികള്‍ക്ക് ആഘോഷമായി.
സംഘാടക സമിതി കണ്‍വീനറും, ബ്ലോക്ക് പഞ്ചായത്ത് സ്ഥിരം സമിതി അംഗവുമായ അഷ്‌റഫ് കാര്‍ളെ സ്വാഗതം പറഞ്ഞു. കാസറഗോഡ് ബോക്ക് പഞ്ചായത്ത് പ്രസിഡന്റ് സി എ സൈമ അധ്യക്ഷത വഹിച്ചു. മഞ്ചേശ്വരം എം എല്‍ എ, എ കെ എം അഷ്‌റഫ് ഉദ്ഘാടനം ചെയ്തു.
സംഘടക സമിതി അംഗങ്ങളായ ബിജു കലാഭവന്‍, ബി എ റഹ്‌മാന്‍, എ കെ ആരിഫ്, കെ വി യൂസഫ്, അബ്ബാസ് കൊടിയമ്മ,അഹമദ് അലി, ഫസല്‍പേരാല്‍, മുഹമ്മദ് കുഞ്ഞി എന്നിവര്‍ പ്രസംഗിച്ചു.
ഷോര്‍ട്ട് പുട്ട് മത്സരം കാണികള്‍ക്ക് ആവേശമായി*
30
