കേരള സര്‍വ്വകലാശാലയിലെ എസ്എഫ്ഐ പ്രതിഷേധം; സംസ്ഥാന നേതാക്കള്‍ക്കെതിരെ കേസെടുത്ത് പൊലീസ്

കൊച്ചി: കേരള സര്‍വ്വകലാശാലയിലെ എസ്എഫ്ഐ പ്രതിഷേധത്തില്‍ രജിസ്റ്റാറുടെ പരാതിയില്‍ കേസെടുത്ത് പൊലീസ്. എസ്എഫ്ഐ സംസ്ഥാന സെക്രട്ടറി പി എസ് സഞ്ജീവ്, പ്രസിഡന്റ് എം ശിവപ്രദാസ് അടക്കം 10 പേര്‍ക്കെതിരെയും കണ്ടാലറിയാവുന്ന 50 പേര്‍ക്കെതിരെയുമാണ് കേസ്.

സര്‍വകലാശാല ആസ്ഥാനത്ത് അതിക്രമിച്ചു കയറി ഓഫീസിനകത്തെ ഉദ്യോഗസ്ഥരെയും പൊതുജനങ്ങളെയും തടഞ്ഞുനിര്‍ത്തി
ഉച്ചത്തില്‍ അസഭ്യ വാക്കുകള്‍ വിളിച്ചുപറഞ്ഞു,സഞ്ചാരസ്വാതന്ത്ര്യം തടസ്സപ്പെടുത്തി,പടക്കം പൊട്ടിക്കുകയും പൊതുജനശല്യം ഉണ്ടാക്കുകയും ചെയ്തു എന്നീ കുറ്റകൃത്യങ്ങള്‍ ചൂണ്ടിക്കാട്ടിയാണ് പൊലീസ് കേസെടുത്തത്.