കോഴിക്കോട് മെഡിക്കല്‍ കോളജിലെ തീപിടുത്തത്തില്‍ ഇലക്ട്രിക്കല്‍ ഇന്‍സ്‌പെക്ടറേറ്റിന്റെ അന്തിമ അന്വേഷണ റിപ്പോര്‍ട്ട് ഇന്ന് സമര്‍പ്പിക്കും. തിരുവനന്തപുരം ചീഫ് ഇലക്ട്രിക്കല്‍ ഇന്‍സ്‌പെക്ടര്‍ക്കാണ് റിപ്പോര്‍ട്ട് നല്‍കുക. ഫയര്‍ഫോഴ്‌സിന്റെയും ഫോറന്‍സിക് വിഭാഗത്തിന്റെയും റിപ്പോര്‍ട്ടുകള്‍ ലഭിച്ചശേഷമാകും അത്യാഹിത വിഭാഗത്തിന്റെ തുടര്‍ പ്രവര്‍ത്തനത്തില്‍ തീരുമാനമെടുക്കുക.
ഏറെ ആശങ്കകള്‍ ഉണ്ടാക്കിയാണ് ഈ മാസം രണ്ടിനും അഞ്ചിനും കോഴിക്കോട് മെഡിക്കല്‍ കോളജില്‍ തീപിടുത്തം ഉണ്ടാകുന്നത്. ആദ്യം അത്യാഹിത വിഭാഗത്തിലെ യുപിഎസ് മുറിയിലായിരുന്നു തീപിടുത്തം ഉണ്ടായത്. പിന്നാലെ ഇതേ കെട്ടിടത്തിലെ ആറാം നിലയില്‍ നിന്ന് തീപിടുത്തം ഉണ്ടാകുകയായിരുന്നു. വ്യത്യസ്ത വിഭാഗങ്ങളാണ് ഈ രണ്ട് തീപിടുത്തങ്ങളും അന്വേഷിക്കുന്നത്. അതില്‍ ഇലക്ട്രിക്കല്‍ ഇന്‍സ്‌പെക്ടറേറ്റിന്റെ അന്തിമ റിപ്പോര്‍ട്ടാണ് ഇന്ന് സമര്‍പ്പിക്കുക.
കോഴിക്കോട് മെഡിക്കല്‍ കോളജിലെ തീപിടുത്തം; അന്തിമ അന്വേഷണ റിപ്പോര്‍ട്ട് ഇന്ന് സമര്‍പ്പിക്കും
22
