സംരംഭങ്ങളുടെ കാര്യക്ഷമത വര്‍ധിപ്പിക്കാന്‍ എച്ച്.ആര്‍ പരിശീലനം
സൂക്ഷ്മ, ചെറുകിട, ഇടത്തരം സംരംഭങ്ങളുടെ പ്രവര്‍ത്തനക്ഷമത വര്‍ധിപ്പിക്കുന്നതിനും സംരംഭകരുടെ മാനവവിഭവശേഷി മാനേജ്‌മെന്റ് നൈപുണ്യങ്ങള്‍ മെച്ചപ്പെടുത്തുന്നതിനുമായി പരിശീലന പരിപാടി സംഘടിപ്പിച്ചു. കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡെവലപ്‌മെന്റിന്റെ (കെ.ഐ.ഇ.ഡി) നേതൃത്വത്തില്‍ കേന്ദ്ര-സംസ്ഥാന സര്‍ക്കാരുകളുടെ സംരംഭകത്വ വികസന പ്രവര്‍ത്തനങ്ങളുടെ ഭാഗമായി റാംപ് (RAMP) പദ്ധതിയിലുള്‍പ്പെടുത്തിയാണ് കാസര്‍കോട് ഹോട്ടല്‍ ഫോര്‍ട്ട് വ്യൂ സ്യൂട്ട്‌സില്‍ പരിശീലനം സംഘടിപ്പിച്ചത്. ജില്ലയിലെ 55 സംരംഭകര്‍ പങ്കെടുത്തു.
ജില്ലാ പഞ്ചായത്ത് പ്രസിഡന്റ് സാബു അബ്രഹാം പരിശീലന പരിപാടി ഉദ്ഘാടനം ചെയ്തു. ജില്ലാ വ്യവസായ കേന്ദ്രം ജനറല്‍ മാനേജര്‍ കെ.സജിത്ത് കുമാര്‍ അധ്യക്ഷത വഹിച്ചു. സംരംഭക സ്ഥാപനങ്ങളിലെ മാനവവിഭവശേഷി ഫലപ്രദമായി കൈകാര്യം ചെയ്യല്‍, ജീവനക്കാരുടെ കാര്യക്ഷമത വര്‍ധിപ്പിക്കല്‍, തൊഴിലാളി മാനേജ്‌മെന്റ്, ടീം വര്‍ക്ക്, സ്ഥാപനങ്ങളുടെ ഉല്‍പ്പാദനക്ഷമത മെച്ചപ്പെടുത്തല്‍ തുടങ്ങിയ വിഷയങ്ങളില്‍ പരിശീലനം നല്‍കി. സംരംഭകരുടെ മാനേജ്‌മെന്റ് നൈപുണ്യങ്ങള്‍ വികസിപ്പിക്കുന്നതിനും സ്ഥാപനങ്ങളുടെ സുസ്ഥിര വളര്‍ച്ചയ്ക്ക് ആവശ്യമായ പ്രായോഗിക അറിവ് പകരുന്നതിനും പരിശീലനം ലക്ഷ്യമിട്ടാണ് പരിശീലനം നല്‍കിയത്. കെ.ഐ.ഇ.ഡി പ്രോഗ്രാം കണ്‍വീനര്‍ കെ.പി. ശ്രീശരത്ത,് കെ.എസ്.എസ്.ഐ.എ പ്രതിനിധി അലി നെട്ടാര്‍, എന്‍.എം.സി.സി കാസര്‍കോട് ചാപ്റ്റര്‍ കണ്‍വീനര്‍ ശ്യാം പ്രസാദ്, എ.ഐ.ഡി.എ പ്രസിഡന്റ് രത്നാകരന്‍ നമ്പ്യാര്‍, ജില്ലാ വ്യവസായ കേന്ദ്രം മാനേജര്‍ എസ്.എസ് അദിനേഷ് എന്നിവര്‍ സംസാരിച്ചു.
Related Posts
കേരള പിറവി മലയാള ദിനാഘോഷത്തില്‍നാലപ്പാടം പത്മനാഭന്‍ പി എസ് പുണിഞ്ചിത്തായഎന്നിവരെ ജില്ലാഭരണകൂടം ആദരിക്കും
KCN CHANNEL
ഐഡിയ ഫോര്‍ജ് ’26: നൂതനാശയങ്ങളുടെ വേദിയായി കേരള കേന്ദ്ര സര്‍വകലാശാല
KCN CHANNEL