തിരുവനന്തപുരം: സി.പി.ഐ.എം സംസ്ഥാന സെക്രട്ടറിയേറ്റ് യോഗം ഇന്ന് തിരുവനന്തപുരത്ത് ചേരും. സമകാലീക രാഷ്ട്രീയ വിഷയങ്ങള്‍ യോഗം ചര്‍ച്ച ചെയ്യും. ഗവര്‍ണ്ണര്‍ മുഖ്യമന്ത്രിയെ വിളിച്ചുവരുത്തിയത് യോഗത്തില്‍ ചര്‍ച്ചയാകും. തലസ്ഥാന നഗരത്തില്‍ ഉള്‍പ്പെടെ നടന്ന അക്രമ സംഭവങ്ങളും അതിനെ തുടര്‍ന്ന് നടന്ന സമാധാന ചര്‍ച്ചകളും യോഗത്തില്‍ ചര്‍ച്ചചെയ്യപ്പെടും. സമാധാന ചര്‍ച്ചയുടെ ദൃശ്യങ്ങള്‍ ചിത്രീകരിക്കാനെത്തിയ മാധ്യമപ്രവര്‍ത്തകരോട് മുഖ്യമന്ത്രി കയര്‍ത്തതില്‍ പാര്‍ട്ടി കേന്ദ്രനേതൃത്വം അതൃപ്തി അറിയിച്ചിരുന്നു. ഇക്കാര്യവും ഇന്നത്തെ യോഗത്തില്‍ ചര്‍ച്ചയായേക്കും. കൂടാതെ കോവളം കൊട്ടാരം കൈമാറ്റം, മൂന്നാര്‍ കയ്യേറ്റമൊഴിപ്പിക്കല്‍ തുടങ്ങിയ വിഷയങ്ങളും ചര്‍ച്ചയാകും. പാര്‍ട്ടി സമ്മേളനങ്ങളുടെ തീയതി തീരുമാനിക്കലും ഇന്നു മുതല്‍ ചേരുന്ന നേതൃയോഗങ്ങളുടെ പ്രധാന അജണ്ടയാണ്. ബ്രാഞ്ച് സമ്മേളനം മുതല്‍ സംസ്ഥാന സമ്മേളനം വരെയുള്ള സമ്മേളന തീയതികള്‍ക്ക് യോഗം അന്തിമരൂപം നല്‍കും. ഇന്നത്തെ സംസ്ഥാന സെക്രട്ടേറിയറ്റ് യോഗത്തിന് പിന്നാലെ നാളെ മുതല്‍ രണ്ടുദിവസം സംസ്ഥാന കമ്മിറ്റി യോഗവും ചേരും.
more recommended stories
പ്രൊഫഷണല് കോളേജുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് മെയ് 6 വരെ അവധി; ഉന്നത വിദ്യാഭ്യാസ വകുപ്പ് ഉത്തരവ്തിരുവനന്തപുരം: സംസ്ഥാനത്തെ ഉഷ്ണതരംഗം കണക്കിലെടുത്ത് ഉന്നത.
ചികിത്സയിലിരിക്കെ അഹമദ് നുള്ളിപ്പാടി മരണപ്പെട്ടു. കാസര്കോട്: നുള്ളിപ്പാടി സ്വദേശിയും ചെട്ടുംകുഴിയില് താമസക്കാരനുമായ.
മഞ്ചേശ്വരം ഗ്രാമ പഞ്ചായത്ത് പരിധിയിലുള്ള കടല് തീരങ്ങളില് ശുചീകരണം നടത്തി.മഞ്ചേശ്വരം : മാലിന്യ സംസ്കരണവുമായി ബന്ധപ്പെട്ട്.
ജില്ലയില് ആശങ്ക വേണ്ട കുടിവെള്ളം എല്ലാവര്ക്കും ഉറപ്പുവരുത്തും ; ജില്ലാ കളക്ടര്കാസര്കോട് ജില്ലയിലെ മുഴുവന് ജനങ്ങള്ക്കും കുടിവെള്ളം ഉറപ്പാക്കുന്നതിന്.
Leave a Comment