കാസര്‍കോട് > എല്‍ഡിഎഫ് മഞ്ചേശ്വരം മണ്ഡലം സ്ഥാനാര്‍ഥി സി എച്ച് കുഞ്ഞമ്പുവും തൃക്കരിപ്പൂര്‍ മണ്ഡലം സ്ഥാനാര്‍ഥി എം രാജഗോപാലനും നാമനിര്‍ദേശ പത്രിക സമര്‍പ്പിച്ചു. വിദ്യാനഗറില്‍ സിപിഐ എം ജില്ലാകമ്മിറ്റി ഓഫീസായ എ കെ ജി മന്ദിരത്തില്‍നിന്ന് നേതാക്കളും പ്രവര്‍ത്തകരുമുള്‍പ്പെടെ നൂറുകണക്കിനാളുകള്‍ സ്ഥാനാര്‍ഥികളെ കലക്ടറേറ്റിലേക്ക് ആനയിച്ചു. വെള്ളിയാഴ്ച പകല്‍ 11ന് മഞ്ചേശ്വരം നിയോജക മണ്ഡലം റിട്ടേണിങ് ഓഫീസര്‍ സി ജയന് മുമ്പാകെയാണ് സി എച്ച് കുഞ്ഞമ്പു പത്രിക നല്‍കിയത്. കെ ആര്‍ ജയാനന്ദ ഡമ്മി സ്ഥാനാര്‍ഥിയായി പത്രിക നല്‍കി. തൃക്കരിപ്പൂര്‍ നിയോജക മണ്ഡലം റിട്ടേണിങ് ഓഫീസര്‍ ഇ ജെ ഗ്രേസിയുടെ മുമ്പാകെയാണ് എം രാജഗോപാലന്‍ പത്രിക നല്‍കിയത്. ടി വി ഗോവിന്ദനാണ് ഡമ്മി സ്ഥാനാര്‍ഥി. ഭാസ്‌കര കുമ്പള രക്തസാക്ഷി ദിനമായ വെള്ളിയാഴ്ച രാവിലെ കുമ്പള ഷേഡിക്കാവില്‍ ഭാസ്‌കരണ കുമ്പള രക്തസാക്ഷി സ്മൃതിമണ്ഡപത്തില്‍ പുഷ്പാര്‍ചന നടത്തിയ ശേഷമാണ് പത്രിക സമര്‍പ്പിക്കാനെത്തിയത്.
സിപിഐ എം ജില്ലാസെക്രട്ടറി കെ പി സതീഷ്ചന്ദ്രന്‍, സംസ്ഥാനകമ്മിറ്റി അംഗങ്ങളായ കെ കുഞ്ഞിരാമന്‍ എംഎല്‍എ, എം വി ബാലകൃഷ്ണന്‍, എല്‍ഡിഎഫ് കണ്‍വീനര്‍ പി രാഘവന്‍, നേതാക്കളായ എ കെ നാരായണന്‍, പി ജനാര്‍ദനന്‍, വി പി പി മുസ്തഫ, ഗോവിന്ദന്‍ പള്ളിക്കാപ്പില്‍, ബി വി രാജന്‍, സുരേഷ് പുതിയേടത്ത്, എം അനന്തന്‍ നമ്പ്യാര്‍, കെ എസ് ഫക്രുദീന്‍, അഡ്വ. സി വി ദാമോദരന്‍, പി ബി അഹമ്മദ്, അസീസ് കടപ്പുറം, മാട്ടുമ്മല്‍ ഹസന്‍, ടി കൃഷ്ണന്‍, കൈപ്രത്ത് കൃഷ്ണന്‍ നമ്പ്യാര്‍, സി പി ബാബു എന്നിവര്‍ കൂടെയുണ്ടായിരുന്നു.
more recommended stories
പ്രൊഫഷണല് കോളേജുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് മെയ് 6 വരെ അവധി; ഉന്നത വിദ്യാഭ്യാസ വകുപ്പ് ഉത്തരവ്തിരുവനന്തപുരം: സംസ്ഥാനത്തെ ഉഷ്ണതരംഗം കണക്കിലെടുത്ത് ഉന്നത.
ചികിത്സയിലിരിക്കെ അഹമദ് നുള്ളിപ്പാടി മരണപ്പെട്ടു. കാസര്‍കോട്: നുള്ളിപ്പാടി സ്വദേശിയും ചെട്ടുംകുഴിയില് താമസക്കാരനുമായ.
മഞ്ചേശ്വരം ഗ്രാമ പഞ്ചായത്ത് പരിധിയിലുള്ള കടല് തീരങ്ങളില് ശുചീകരണം നടത്തി.മഞ്ചേശ്വരം : മാലിന്യ സംസ്കരണവുമായി ബന്ധപ്പെട്ട്.
ജില്ലയില് ആശങ്ക വേണ്ട കുടിവെള്ളം എല്ലാവര്ക്കും ഉറപ്പുവരുത്തും ; ജില്ലാ കളക്ടര്കാസര്കോട് ജില്ലയിലെ മുഴുവന് ജനങ്ങള്ക്കും കുടിവെള്ളം ഉറപ്പാക്കുന്നതിന്.
Leave a Comment